અહિયાં એકસાથે 100 થી વધુ ગૌમાતા ભીષણ આગની જવાળામાં હોમાઈ- જુઓ કાળજું કંપાવતો વિડીયો

યુપી(UP)ના ગાઝિયાબાદ(Ghaziabad)માં એક દર્દનાક અકસ્માત થયો છે. અહીં આગને કારણે 100થી વધુ ગાયો આગમાં બળીને મોતને ભેટી હતી. ઈન્દિરાપુરમ પોલીસ સ્ટેશન(Indirapuram Police Station) વિસ્તારના કાનવાણી વિસ્તારમાં, રસ્તાઓ પર નિરાધાર બનીને રખડતી ગાયોને શ્રી કૃષ્ણ ગૌશાળાના નામે જમીન પર રાખવામાં આવી હતી.

એવું કહેવામાં આવ્યું હતું કે સોમવારે સવારે લગભગ 1.30 વાગ્યે ગૌશાળાની બાજુમાં સ્થિત ઝૂંપડપટ્ટી અને કબાટમાં આગ લાગી હતી. થોડી જ વારમાં આખી ગૌશાળા આગની લપેટમાં આવી ગઈ હતી. ઝુંપડપટ્ટી વિસ્તારમાં લાગેલી આગને ભારે જહેમત બાદ કાબૂમાં લેવામાં આવી હતી. ઉચ્ચ અધિકારીઓ ઘટનાસ્થળે પહોંચ્યા અને મામલાની તપાસ શરૂ કરી.

ગાઝીયાબાદ : ઝૂંપડપટ્ટીમાં લાગી ભીષણ આગ, 100થી વધુ ગાયો જીવતી બળી ગઈ#Ghaziabad #fire #cow pic.twitter.com/JjxLdTsk0w

— Trishul News (@TrishulNews) April 11, 2022

શ્રી કૃષ્ણ ગૌસેવાના રાષ્ટ્રીય અધ્યક્ષે જણાવ્યું કે, ‘ઝૂંપડપટ્ટીમાં લાગેલી આગને કારણે 100થી વધુ ગાયો બળીને મૃત્યુ પામી છે. બધી ગાયો દૂધ આપતી ગાયો હતી. એવું કહેવામાં આવ્યું છે કે ત્યાં હાજર વ્યક્તિએ ગાયોને બચાવવાનો પ્રયાસ કર્યો, જ્યાં કેટલીક ગાયો ખોલ્યા પછી તેઓ ભાગી ગઈ હતી, પરંતુ મોટાભાગની ગાયો ગૂંગળામણ અને દાઝી જવાને કારણે મૃત્યુ પામી છે. જિલ્લા મેજિસ્ટ્રેટ રાકેશ કુમાર અને અન્ય પોલીસ અને વહીવટી અધિકારીઓ ઘટનાસ્થળે પહોંચી ગયા હતા.