કિન્નરોએ હાઈવે પર સાડી બાંધીને કર્યો હાઈવોલ્ટેજ ડ્રામા- પોલીસે 50,000 રૂપિયાની માંગણી કરવાનો આરોપ

મધ્યપ્રદેશ(Madhya Pradesh): શ્યોપુર(Sheopur)માં વિસ્તારના વિવાદમાં એક જૂથના કિન્નરો(Kinner)એ બીજા જૂથના કિન્નરોને માર માર્યો. ત્યાર પછી ફરિયાદ ન નોંધવાથી નારાજ ચાર કિન્નરોએ કલેક્ટર કચેરીની બહાર હાઈવે પર હાઈવોલ્ટેજ ડ્રામા કર્યો હતો. કલાક સુધી રસ્તા રોકો પછી સ્થળ પર પહોંચેલા એસડીઓપીની ખાતરી બાદ વિરોધ શાંત થયો હતો. હાલ કોતવાલી પોલીસે આ મામલે કેસ નોંધીને કાર્યવાહી શરૂ કરી છે.

આ સમગ્ર ઘટના શ્યોપુર-શિવપુરી હાઈવે(Sheopur-Shivpuri Highway)ની છે. અહીં રસ્તાની વચ્ચોવચ કિન્નરોએ ડિવાઈડર પર સાડી બાંધીને પ્રદર્શન શરૂ કર્યું હતું. આ દરમિયાન કિન્નરો ક્યારેક વાહનો પર ચઢી જતા હતા તો ક્યારેક રસ્તા પર તાળીઓ પાડીને પોલીસ વિરુદ્ધ સૂત્રોચ્ચાર કરી રહ્યા હતા. મહેક નામની કિન્નર બૂમો પાડી રહી હતી અને કરહલ ટીઆઈ પર રિપોર્ટ લખવાના નામે લાંચ રૂપે 50,000 રૂપિયાની માંગણી કરવાનો આરોપ લગાવી રહી હતી.

જૂના વિસ્તારના વિવાદ અંગે ફરિયાદ ન નોંધવા બદલ શ્યોપુરમાં ચાર કિન્નરોએ નેશનલ હાઈવે 552 બ્લોક કરી દીધો હતો. આ દરમિયાન સ્થળ પર લોકોની ભારે ભીડ ઉમટી પડી હતી. તે જ સમયે વિરોધ કરી રહેલા કિન્નરોએ કરહલ ટીઆઈ પર રિપોર્ટ લખવા માટે રૂપિયાની માંગણી કરવાનો આરોપ લગાવ્યો હતો.

પીડિત કિન્નર મહેકનું કહેવું છે કે, રાજુ સક્સેના કિન્નર, શિવપુરી જિલ્લાના બૈરાડ શહેરની સૌમ્યા કિન્નર અને સવાઈ માધોપુરની અનીતા, પિંકી અને સિમ્મીએ તેનું અપહરણ કરીને માર માર્યો હતો. તેને બળજબરીથી લિંગ બદલાવવામાં આવ્યું હતું. કરહાલ પોલીસે સુનાવણી હાથ ધરી ન હતી, જ્યારે કલેક્ટર કચેરી અને એસપી દ્વારા કાર્યવાહીની ખાતરી આપવામાં આવી હતી.