January 19, 2025
ત્રિપુરા(Tripura)માં સત્તાધારી પક્ષ ભાજપ(BJP)ને મોટો આંચકો લાગ્યો છે, ટોચના આદિવાસી નેતા હંગશા કુમાર મંગળવારના રોજ આદિવાસી આધારિત પ્રમુખ વિપક્ષી પાર્ટી TIPRA સ્વદેશી પ્રગતિશીલ ક્ષેત્રીય ગઠબંધનમાં જોડાય ગયા. હંગશા કુમાર, બીજેપી અને તેના સહયોગી ઈન્ડીજીનસ પીપલ્સ ફ્રન્ટ ઓફ ત્રિપુરા (આઈપીએફટી) ના લગભગ 6,500 આદિવાસીઓ સાથે મંગળવારે ઉત્તર ત્રિપુરાના માણિકપુરમાં યોજાયેલી જાહેર રેલીમાં TIPRAમાં જોડાયા હતા.
TIPRA સુપ્રીમો અને ત્રિપુરાના ભૂતપૂર્વ શાહી વંશજ પ્રદ્યોત બિક્રમ માણિક્ય દેબ બર્મન સહિત અન્ય લોકોએ જાહેર સભાને સંબોધિત કરી હતી જેમાં હજારો આદિવાસી પુરુષો અને સ્ત્રીઓએ હાજરી આપી હતી. હંગશા કુમાર હાલમાં 30-સભ્યોની ત્રિપુરા ટ્રાઇબલ એરિયાઝ ઓટોનોમસ ડિસ્ટ્રિક્ટ કાઉન્સિલ (TTAADC) ના વિપક્ષના નેતા છે, જેને મિની-લેજિસ્લેટિવ એસેમ્બલી ગણવામાં આવે છે. ટીટીએએડીસીમાં ભાજપના 9 સભ્ય છે જેને 6 એપ્રિલ 2021ની ચૂંટણીમાં ટીઆઈપીઆરએએ કબ્જો કરી લીધો હતો.
ગયા વર્ષે જ્યારે TIPRA એ રાજકીય રીતે મહત્વપૂર્ણ TTAADCનો કબજો સંભાળ્યો, ત્યારે CPI(M)ના નેતૃત્વ હેઠળના ડાબેરીઓ, કોંગ્રેસ અને BJPના નેતૃત્વમાં નોંધપાત્ર રાજકીય વિકાસને પગલે 2023ની વિધાનસભાની ચૂંટણીઓ પહેલાં તે ત્રિપુરામાં ચોથું મોટું રાજકીય બળ બન્યું.
Trending News
બંધારણની છઠ્ઠી સૂચિ હેઠળ 1985 માં રચાયેલ, TTAADC ત્રિપુરાના 10,491 કિમી વિસ્તારના બે તૃતીયાંશ ભાગ પર અધિકારક્ષેત્ર ધરાવે છે અને તે 12,16,000 થી વધુ લોકોનું ઘર છે, જેમાંથી લગભગ 84 ટકા આદિવાસી છે.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.