November 15, 2024
આજે વહેલી સવારે 3.16 વાગે વડા પ્રધાન નરેન્દ્ર મોદીની અંગત વેબસાઇટ અને મોબાઈલ એપનું ટ્વિટર એકાઉન્ટ (Twitter account of PM Narendra Modi) હેક થઈ ગયું હતું, સોશ્યલ મીડિયા કંપની ટ્વીટર એ આ બાબતે પુષ્ટિ આપી છે. ટ્વિટરે કહ્યું હતું કે તેણે “સમાધાન ખાતાને સુરક્ષિત કરવાનાં પગલાં લીધાં છે” અને પરિસ્થિતિની “સક્રિય તપાસ” કરી રહી છે.
ટ્વિટરના પ્રવક્તાએ એક નિવેદનમાં જણાવ્યું છે કે, “અમે આ પ્રવૃત્તિથી વાકેફ છીએ અને સમાધાન ખાતાને સુરક્ષિત રાખવા માટેનાં પગલા લીધાં છે. અમે પરિસ્થિતિની સક્રિય રીતે તપાસ કરી રહ્યા છીએ. આ સમયે, બીજા ટ્વીટર એકાઉન્ટ પર અસર થવાની અમને જાણકારી નથી.”
Trending News
જુલાઈમાં દુનિયાની અગ્રણી હસ્તીઓના અનેક ટ્વિટર એકાઉન્ટ્સ હેક થયા બાદ આ ઘટના સામે આવી છે. આ એકાઉન્ટ હેન્ડલ નું નામ narendramodi_in છે. પીએમ મોદીનું અંગત ટ્વિટર એકાઉન્ટ, જે આનાથી પ્રભાવિત ન હતું, તેના 61 મિલિયનથી વધુ ફોલોઅર્સ છે.
અમેરિકી રાષ્ટ્રપતિ પદના ઉમેદવાર જો બિડેન, યુએસના ભૂતપૂર્વ રાષ્ટ્રપતિ બરાક ઓબામા અને અબજોપતિ એલોન મસ્ક સહિતના ટ્વિટર પ્લેટફોર્મના કેટલાક ઉચ્ચ નેતાઓના એકાઉન્ટ હાઇજેક કરવા માટે હેકરોએ જુલાઈમાં ટ્વિટરની આંતરિક સિસ્ટમોને એક્સેસ કરી હતી અને હેક કરીને બધા એકાઉન્ટ પરથી ડિજિટલ ચલણ માંગ્યું હતું.
વડાપ્રધાનની પર્સનલ વેબસાઈટના Twitter એકાઉન્ટથી ક્રિપ્ટો કરન્સી સાથે જોડાયેલા ટ્વિટ કરવામાં આવ્યા. ઉલ્લેખનીય છે કે Twitter એકાઉન્ટ પર એક મેસેજ લખવામાં આવ્યો કે, કોવિડ-19 માટે બનાવવામાં આવેલી પીએમ મોદી રિલિફ ફંડમાં ડોનેશન કરવામાં આવે. જ્યારે અન્ય એક ટ્વિટમાં હેકરે લખ્યુ કે આ એકાઉન્ટ જોન વિકે હેક કર્યુ છે. અન્ય ખુલાસો પણ કર્યો કે અમે પેટીએમ મોલ હેક કર્યા નથી. જોકે બાદમાં આ બોગસ ટ્વિટ ડીલિટ કરી દેવામાં આવ્યા છે.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો ત્રિશુલ ન્યુઝની એન્ડ્રોઇડ એપ મોબાઇલ એપ્લિકેશન. અથવા Google Play Store માં જઈને Trishul News સર્ચ પણ કરી શકો છો. https://play.google.com/store/apps/details?id=com.trishul.news અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. અમારા ટેલીગ્રામ ગ્રુપ માં જોડાઈને મેળવો તમામ અપડેટ: https://t.me/trishulnews