65 વર્ષ જૂના કાયદાને બદલવા જઈ રહી છે મોદી સરકાર, ખેડૂતોને થવા જઈ રહ્યો છે મોટો લાભ

કોરોના સંકટ કાળમાં સરકારે ૨૦ લાખ કરોડ રૂપિયાના રાહતપેકેજ નું એલાન કર્યું છે. આ પેકેજ વિશે વિસ્તારથી જણાવવા માટે નાણા મંત્રી નિર્મલા સીતારમણ સતત પ્રેસ કોન્ફરન્સ કરી રહ્યા છે.

આના અંતર્ગત ગયા શુક્રવારે પણ તે મીડિયા સામે આવી હતી. આ દરમિયાન તેમણે લગભગ ૬૫ વર્ષ જૂના કાયદામાં ફેરફાર કરવાનું એલાન કર્યું. આવો જાણીએ આ બદલાવ વિશે કોને તેનો ફાયદો મળશે.

સરકારે અનાજ, ખાદ્યતેલ, તલ, દાળ, બટાકા અને ડુંગળી જેવી કૃષિ પાકોને નિયંત્રણ મુક્ત કરવાનો નિર્ણય કર્યો છે. તેના માટે સરકાર લગભગ ૬૫ વર્ષ જૂના આવશ્યક વસ્તુઓ અધિનિયમ માં ફેરફાર કરવા જઈ રહી છે.

આ ફેરફાર દ્વારા ખાદ્ય તેલ ઉત્પાદકોના ઉત્પાદન અને વેચાણને નિયંત્રણ મુક્ત કરવામાં આવશે. તેમજ કોઈપણ ઉત્પાદન પર સ્ટોક સીમા લાગુ નહીં થાય.