આંખ ઉઘડતો કિસ્સો: પતંગ ઉડાવવા અગાસીએ ચડેલા બે બાળકના ધાબા પરથી નીચે પટકાતા થયા કરુણ અવસાન

તાજેતરમાં ઉત્તરાયણ નજીક હોય પહેલા ઘણી સાવધાની રાખવી પડતી હોય છે. વડોદરામાં ઉત્તરાયણ માથા પર છે અને વાલીઓ માટે લાલબત્તી સમાન કિસ્સો સામે આવ્યો છે. વડોદરામાં પતંગ ચગાવતાં 14 વર્ષનો બાળક ચોથા માળેથી પટકાતા મોત થયું છે.

વડોદરાના વાઘોડિયા રોડ ખાતે આવેલ ઝવેરનગર સ્થિત સરકારી સ્કૂલ નજીક આવેલ નર્મદા એપાર્ટમેન્ટ ખાતે આજે સાંજે સાડા પાંચે ચાર માળની ખંડેર બિલ્ડીંગ પરથી પતંગ ચઢાવતા વિરલ કરશનભાઇ રાઠવા (ઉંમર 10 વર્ષ) નામનો બાળક અગાસીમાં ઉપર પારાપીટ ન હોવાથી નીચે પડતા બાળકનું મૃત્યુ થયું હતું. મૃતક બાળકને પોસ્ટમોર્ટમ અર્થે સયાજી હોસ્પિટલમાં ખસેડવામાં આવ્યો હતો.

આવી જ બીજી એક ઘટના અમદાવાદમાંથી સામે આવી છે, અમદાવાદના મેઘાણીનગર વિસ્તારમાં આવેલા ગુજરાત હાઉસિંગ બોર્ડના 27 નંબરના બ્લોકમાં રહેતા 10 વર્ષીય રોનક રાવત નું મોત નીપજ્યું છે. તેના મામા ગીરીશભાઈ રાવતે જણાવ્યું કે રોનક તેમના પરિવારનો એકનો એક દીકરો હતો.

તેના પિતા કિડની હોસ્પિટલમાં ઇલેક્ટ્રિશિયન તરીકે નોકરી કરી પરિવારનું ગુજરાન ચલાવે છે. રોનકના માતા પિતા એક મરણ પ્રસંગ માં ગયા હતા. ત્યારે ઘરે રોનક અને તેના દાદી એકલા હતા.