June 26, 2024
હાલમાં દિવસેને દિવસે અકસ્માતની ઘટનાના કેસોમાં ભારે વધારો જોવા મળ્યો છે. વહન ચાલકો આડેધડ વહન ચલાવીને અન્ય વાહનોને પણ અડફેટે લેતાં હોય છે. આ દરમિયાન હજી એક અકસ્માતની ઘટના સામે આવી છે જેમાં એક વન અને કાર વચ્ચે ભયંકર અકસ્માત સર્જાયો છે.
અહી રૂંવાડાં ઉભી કરી દેતી એક ઘટના સામે આવી છે. બાયપાસ હાઈવે પર પીક અપ વાન અને કાર વચ્ચે ભયંકર અકસ્માત સર્જાયો હતો. અકસ્માત બાદ કારમાં ભીષણ આગ લાગી હતી. આ આગમાં કારમાં સવાર બે લોકો કારની અંદર જ બળીને રાખ થઈ ગયા હતા. આ ઉપરાંત કારમાંથી વિદેશી દારૂની બોટલો પણ મળી આવી હતી.
ઝાલોદથી રાજસ્થાનના બાંસવાડા જતો હાઈ વે રોડ પર સુરત પાસિંગની આઈટેન કારમાં વિદેશી દારૂની બોટલો ભરેલી હતી. ફૂલ સ્પીડમાં જતી કાર એક પીકઅપ વાન સાથે ભયંકર રીતે અથડાઈ હતી. ત્યારબાદ દારૂ ભરેલી કારમાં અચાનક આગ ફાટી નીકળી હતી. આ આગ એટલી ભીષણ હતી કે, કારની આગળ બેસેલાં બંને વ્યક્તિઓ બળીને રાખ થઈ ગયા હતા.
ઘટનાની જાણ થતાં જ ફાયર વિભાગ અને પોલીસ ઘટનાસ્થળે પહોચી ગયાં હતા. હાલ પોલીસ દ્વારા મૃતકોની ઓળખ માટે તપાસ શરૂ કરવામાં આવી છે. આ ઉપરાંત ચૂંટણીના સમયમાં આ દારૂ કોના માટે લવાતો હતો અને કોને આપવાનો હતો આ તમામ બાબત અંગે પોલીસે તપાસ શરૂ કરી છે.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે… લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો ત્રિશુલ ન્યુઝની એન્ડ્રોઇડ એપ મોબાઇલ એપ્લિકેશન. અથવા Google Play Store માં જઈને Trishul News સર્ચ પણ કરી શકો છો. https://play.google.com/store/apps/details?id=com.trishul.news અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. અમારા ટેલીગ્રામ ગ્રુપ માં જોડાઈને મેળવો તમામ અપડેટ: https://t.me/trishulnews ગુગલ ન્યુઝમાં ફોલો કરો: http://bit.ly/TrishulNewsOnGoogle
