લાખણકા ડેમ પર ફરવા ગયેલા બંને યુવાનો ડૂબ્યા, એકની લાશ મળી તો એક હજુ પણ લાપતા

ભાવનગર(ગુજરાત): આજકાલ એવા ઘણા બનાવો સામે આવી રહ્યા છે જેમાં લોકો નહેરમાં કે નદીમાં નાહવા પડતા હોય છે અને ડૂબી જતા હોય છે. ત્યારે બુધેલ નજીક આવેલા લાખણકા ડેમ પર ફરવા આવેલા સાત મિત્રો પૈકીના બે મિત્રો ડેમના પાણીમાં ડૂબી જતા એકનું મોત નિપજ્યું છે.

આ દરમિયાન, એક લાપત્તા બનતા તેની શોધખોળ હાથ ધરવામાં આવી છે. એક યુવક અકસ્માત ડેમમાં પડ્યા બાદ તેને બચાવવા પડેલો અન્ય યુવક પણ લાપત્તા થયો હતો. મળતી માહિતી મુજબ, ફાયરબ્રિગેડની શોધખોળ દરમિયાન કેવલ સોલંકી નામના યુવકની લાશ મળી આવી છે. જ્યારે અન્ય એક યુવકનો હજી કોઈ પત્તો લાગ્યો નથી.

બુધેલ નજીક આવેલા લાખણકા ડેમ પર આજે રવિવારની રજા હોવાથી સાત મિત્રોનું એક ગ્રુપ ફરવા માટે આવ્યું હતું. આ દરમિયાન, એક મિત્રનો ઉલ્ટી થતા કેવલ નામનો યુવાન પાણી ભરવા માટે ડેમમાં ગયો હતો. આ સમયે તેનો પગ  પાણીમાં લપસી જતા તે ડેમના ઊંડા પાણીમાં ડૂબી ગયો હતો. જેને બચાવવા અન્ય એક હાર્દિક નામનો યુવાન બચાવવા જતા તે પણ પાણીમાં ડૂબી ગયો હતો.