January 11, 2025
youth died in Rajasthan: યુવકે તેની પ્રેમિકાના ઘર આગળ ગળેફાંસો ખાઈ આપઘાત(youth died in Rajasthan) કરી લીધો હતો હોવાની ઘટના પ્રકાશમાં આવી છે. યુવતીને આ વાતની જાણ થતાં તેણે પણ ઘરમાં ઝેર પી લીધું હતું. હાલ યુવતીને ગંભીર હાલતમાં ઉદયપુરની એમબી હોસ્પિટલમાં દાખલ કરવામાં આવી છે. આ સમગ્ર મામલો ગુરુવારે બપોરે 2 વાગ્યે ઉદયપુરના ફલાસિયા વિસ્તારમાં સર્જાયો હતો.
સ્ટેશન ઓફિસર પ્રભુલાલે જણાવ્યું કે મૃતક નંદલાલ (ઉંમર વર્ષ 21) પોલીસ સ્ટેશન વિસ્તારના જાલમપુરા ગામનો રહેવાસી હતો. જ્યારે તેની 21 વર્ષની ગર્લફ્રેન્ડ 500 મીટર દૂર શિશવી ગામની રહેવાસી છે. બંને વચ્ચે ઘણા વર્ષથી અફેર ચાલતું હતું. બુધવારે સાંજે 5 વાગ્યે નંદલાલ ઘરેથી નીકળી ગયા હતા. રાત સુધી તે પરત ન આવતા પરિવારજનોએ તેની આસપાસમાં શોધખોળ કરી હતી, પરંતુ તે ન મળ્યો હતો.
મળતી માહિતી અનુસાર ગુરુવારે બપોરે 2 વાગે શિશવી ગામના કોલ્યારીથી પનરવા જવાના માર્ગ પર નંદલાલે ઝાડ પર પટ્ટા વડે ગળેફાંસો ખાઈને આત્મહત્યા કરી હોવાનું જાણવા મળ્યું હતું. જ્યાં નંદલાલે આત્મહત્યા કરી હતી ત્યાંથી તેની ગર્લફ્રેન્ડનું ઘર 50 મીટર દૂર છે. પોલીસ આ આત્મહત્યા પાછળના મામલાની વિચારણા કરી રહી છે.
Trending News
ઘટનાની માહિતી મળતાં જ નંદલાલના પરિવારની મહિલાઓ શીશવી ગામે પહોંચી હતી અને લાકડીઓ લઈને રોડની વચ્ચે ઊભી રહી ગઈ હતી. તે મક્કમ હતી કે નંદલાલના અંતિમ સંસ્કાર છોકરીના ઘરના આંગણામાં જ કરવામાં આવશે. ત્યારબાદ પોલીસે સમજાવતાં મામલો થાળે પડ્યો હતો. શુક્રવારે સવારે ફરી એકવાર પરિવારના સભ્યો રસ્તા પર ઉતરી આવ્યા હતા અને કેસની તપાસને લઈને વિરોધ શરૂ કર્યો હતો. આ પછી ગામમાં પોલીસ જાપ્તા તૈનાત કરવામાં આવી છે.
આ કેસમાં નંદલાલના પિતા લાલુરામ તરફથી યુવતીના પરિવારના સભ્યો વિરુદ્ધ હત્યાનો કેસ નોંધવામાં આવ્યો છે. પોલીસે જણાવ્યું કે નંદલાલ 12મા ધોરણનો વિદ્યાર્થી હતો અને તેની ગર્લફ્રેન્ડ પ્રથમ વર્ષની વિદ્યાર્થીની હતી. બંને ઝાડોલની સરકારી શાળામાં સાથે ભણતા હતા. આ દરમિયાન બંને વચ્ચે અફેર શરૂ થયું હતું. બંનેના પરિવારો ખેતીકામ કરે છે અને તેઓ પડોશી ગામોના હોવાથી એકબીજાને ઓળખે છે.
- ગુગલ ન્યુઝમાં Trishul News Gujarati ની અપડેટ મેળવવા ક્લિક કરો: Trishul News Gujarati
- નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે.
- અમારું ફેસબુક પેજ લાઈક કરો અને ફોન પર અપડેટ્સ મેળવતા રહો.
- વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.
- યુટ્યુબ ચેનલ સબસ્ક્રાઈબ કરીને જોતા રહો વિડીયો ન્યુઝ: Trishul News YouTube