ગરબા બન્યા વૈશ્વિક: UNESCO દ્વારા ગુજરાતના ગરબાને માનવતાની વૈશ્વિક ધરોહર જાહેર કરાયું

UNESCO Garba goes Global: ગરબાનું નામ પડે એટલે ગુજરાત યાદ આવી જ જાય, ત્યારે ગત ડીસેમ્બરમાં ગુજરાતના ગરબાને યુનેસ્કો દ્વારા માનવતાના અમૂર્ત સાંસ્કૃતિક વારસા  તરીકે દરજ્જોઆપવામાં આવ્યો હતો જેનું સર્ટીફીકેટ અને એવોર્ડ સન્માન DG/UNESCO, મેડમ ઓડ્રે અઝોલે દ્વારા આપવામાં આવ્યું હતું, જેમણે યુનેસ્કોમાં ભારતના રાજદૂત વિશાલ શર્મા અને ગુજરાતના ગૃહ અને સાંસ્કૃતિક રાજ્યમંત્રી હર્ષ સંઘવી અને રાજ્યમંત્રી પ્રફુલ પાનશેરિયાની હાજરીમાં ગુજરાતને અર્પણ કર્યું હતું અને ભારતની સમૃદ્ધ સંસ્કૃતિ અને પરંપરાઓ માટે ઊંડી પ્રશંસા વ્યક્ત કરી હતી.

આ પ્રસંગે ગૃહ રાજ્યમંત્રી હર્ષ સંઘવીએ જણાવ્યું હતું કે, “આ સ્મારક સિદ્ધિ આપણા માનનીય પીએમ, શ્રી નરેન્દ્ર મોદી જીના અથાક પ્રયાસોનું પ્રમાણ છે. તેમના અતૂટ સમર્પણએ વૈશ્વિક મંચ પર ગરબાના મોહક ભવ્યતાનું પ્રદર્શન કરવામાં મુખ્ય ભૂમિકા ભજવી છે, વિશ્વને ગુજરાતની ઉત્કૃષ્ટ સંસ્કૃતિના સાક્ષી બનવાની મંજૂરી આપી છે. સીએમ શ્રી ભૂપેન્દ્ર પટેલ જીનો હું હૃદયપૂર્વક આભાર માનું છું. ગરબા ગુજરાતની ઓળખનો અવિભાજ્ય સાર બની રહે, આપણા સાંસ્કૃતિક વારસાને સમૃદ્ધ અને ઉન્નત બનાવવા માટે તેમના સતત પ્રયાસો નિમિત્ત બન્યા છે. દરેક ગુજરાતી વતી, આ શક્ય બનાવનાર તમામનો અમારા હૃદયપૂર્વક આભાર. જય જય ગરવી ગુજરાત!”

તાજેતરમાં યુનેસ્કો દ્વારા બૉત્સ્વાના ખાતે ગુજરાતની અસ્મિતાનું રૂડું ઘરેણું “ગરબા” ને વર્લ્ડ હેરિટેજમાં સ્થાન આપીને 2023ના ‘અમૂર્ત સાંસ્કૃતિક વારસા’ તરીકે પસંદગી થઈ હતી. ગુજરાતના ગરબાના સમાવેશ સાથે હવે દેશના ઉત્સવો, મેળાઓ, પરંપરાઓ, પ્રાદેશિક નૃત્યો મળીને કુલ ૧૫ સાંસ્કૃતિક વિરાસત યુનેસ્કોની ‘અમૂર્ત ધરોહર’ ની યાદીમાં સમાવિષ્ટ થઈ ચૂકી છે.