November 17, 2024
દેશના દ્રોહના આરોપ હેઠળ ભારતીય સેનાના નિવૃત્ત સૈનિકની ધરપકડ કરવામાં આવી છે. ઉત્તર પ્રદેશ એટીએસએ લખનૌના સૈન્ય ગુપ્તચર યુનિટના ઇનપુટના આધારે સિગ્નલ મેન સૌરભ શર્માની ધરપકડ કરી છે. આરોપ છે કે, આ ભૂતપૂર્વ સૈન્ય સૈનિક વર્ષ 2016 થી કરાચીમાં એક પાકિસ્તાની ગુપ્તચર એજન્સી માટે કામ કરતો હતો. યુપી એટીએસએ ગુજરાતના ગોધરાથી અન્ય એક આરોપીની ધરપકડ કરી છે.
એટીએસને મળેલી માહિતીને પગલે, સૌરભ શર્માને ઉત્તર પ્રદેશના હાપુરના બિહુની ગામ ખાતેના તેમના પૂર્વજ નિવાસસ્થાનથી ધરપકડ કરવામાં આવી હતી. મિલિટરી ઇન્ટેલિજન્સને ખબર પડી હતી કે સૌરભ રાષ્ટ્ર વિરોધી પ્રવૃત્તિમાં સામેલ છે અને પાકિસ્તાનની ગુપ્તચર એજન્સીને માહિતી મોકલી રહ્યો હતો અને જાસૂસી કરતો હતો. યુપી એટીએસને ડિસેમ્બરમાં જાણ કરવામાં આવી હતી અને સંયુક્ત ઓપરેશન હાથ ધરવામાં આવ્યું હતું.
સૌરભ શર્માએ સ્વીકાર્યું છે કે, તે પાકિસ્તાની ગુપ્તચર એજન્સી સાથે માહિતી શેર કરતો હતો. તેણે જણાવ્યું હતું કે, તે વર્ષ 2014 માં પાકિસ્તાન ગુપ્તચર એજન્સીના સંપર્કમાં આવ્યો હતો. શર્મા સાથે ફેસબુક પર મહિલા સંરક્ષણ પત્રકારના નામે ખાતું બનાવીને વાતચીત શરૂ થઈ. સૌરભ શર્માએ પાકિસ્તાન એજન્સીને 2016 સુધી માહિતી આપી હતી અને બદલામાં તેને પૈસા મળતા હતા. તે વોટ્સએપ પર ફોટા, વીડિયો અને ઓડિઓ દ્વારા માહિતી શેર કરતો હતો.
Trending News
સ્વાસ્થ્યનાં કારણો દર્શાવીને તેમણે જૂન 2020 માં નિવૃત્તિ લીધી. આ દેશ વિરોધી કૃત્યોનો રેકોર્ડ તેના ફોન પરથી મેળવવામાં આવ્યો છે. આ કેસમાં ગોમતીનગર પોલીસ સ્ટેશનમાં આઈપીસીની કલમ 120 બી, કલમ 123 અને ઓફિશિયલ સિક્રેટ એક્ટની કલમ 3,4,5 અને 9 અને યુએપીએની કલમ 13 હેઠળ ગુનો નોંધવામાં આવ્યો છે. શર્માને પણ કોર્ટમાં રજૂ કરવામાં આવ્યા છે. એવું માનવામાં આવે છે કે એટીએસ કોર્ટને વધુ તપાસ માટે તેને કસ્ટડીમાં લેવાની માંગ કરી શકે છે. આ કેસમાં લખનઉ મિલિટરી ઇન્ટેલિજન્સ યુનિટ, યુપી એટીએસ અને કેન્દ્રીય તપાસ એજન્સીઓ વધુ તપાસ કરશે.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો ત્રિશુલ ન્યુઝની એન્ડ્રોઇડ એપ મોબાઇલ એપ્લિકેશન. અથવા Google Play Store માં જઈને Trishul News સર્ચ પણ કરી શકો છો. https://play.google.com/store/apps/details?id=com.trishul.news અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. અમારા ટેલીગ્રામ ગ્રુપ માં જોડાઈને મેળવો તમામ અપડેટ: https://t.me/trishulnews ગુગલ ન્યુઝમાં ફોલો કરો: http://bit.ly/TrishulNewsOnGoogle