ગમે તે થાય પણ લગ્નતો કરવા જ છે, ગુજરાતના આ વર-વધુએ માસ્ક પહેરી કર્યા ધામધૂમથી લગ્ન. જાણો વિગતે

કોરોના વાયરસે વિશ્વમાં હાહાકાર મચાવ્યો છે. ગુજરાતમાં પણ હવે કોરોનાએ પગ પેસારો કર્યો છે.  ગુજરાતમાં કોરોના વાયરસના એક પછી એક નવા નવા કેસ બહાર આવી રહ્યાં છે. આજે અમદાવાદમાં ત્રણ અને વડોદરામાં એક નવો કેસ નોંધાતા રાજ્યમાં કુલ પોઝિટિવ કેસની સંખ્યા 7થી વધીને 14 થઇ ગઇ છે. આમ અમદાવાદમાં 6, વડોદરામાં 3, સુરતમાં 3 અને રાજકોટમાં 1 કેસ અત્યારસુધી પોઝિટિવ નોંધાયા છે. કોરોના વાયરસની દહેસતની વચ્ચે વડોદરામાં એક અનોખા લગ્ન જોવા મળ્યા હતા. વડોદરામાં વર અને કન્યાએ માસ્ક પહેરીને લગ્ન કર્યા હતા. મહત્ત્વની વાત એ છે કે, લગ્નમાં આવનારા લોકો માટે પણ સેનેટાઈઝરની વ્યસ્થા કરવામાં આવી હતી.

વડોદરાના વરઘોડિયા રોડ પર આવેલી મનસ્વી સોસાયટીમાં રહેતી નીધી સોનુંણેને પરણવા માટે અમદાવાદથી શશાંત જાધવની જાન આવી હતી. લગ્નમાં આવેલા લોકોને કોરોના વાયરસથી બચાવવા માટે માસ્ક પહેરાવવામાં આવ્યા હતા. કોરોના વાયરસના કારણે શશાંતના લગ્નની તારીખ ત્રણ વખત બદલવામાં આવી હતી પરંતુ ચોથી વખત કોરોના વાયરસથી બચવાના ઉપાયોની સાથે લગ્ન પ્રંસંગ યોજવામાં આવ્યો હતો. લગ્નમાં આવેલા તમામ લોકોમાં કન્યા પક્ષ દ્વારા માસ્કની અને સેનેટાઈઝરની વ્યવસ્થા કરવામાં આવી હતી.