Google પર સૌથી વધુ સર્ચ થઈ રહ્યું છે આ યુવતીનું નામ, શું છે એવું તો ખાસ? જાણી લો તમે પણ

ગૂગલ પર આજકાલ એક નામ ખૂબ સર્ચ થઈ રહ્યું છે અને તે નામ વસુંધરા ઓસવાલ (Vasundhara Oswal)નું છે. વસુંધરા ઓસવાલની ઉંમર માત્ર 24 વર્ષની છે, જે પોતાની લાઈફસ્ટાઈલને લઈને ચર્ચામાં રહે છે. આ સિવાય તે અબજોપતિઓની યાદીમાં પણ સામેલ છે. આટલું જ નહીં… પરંતુ વસુંધરા ઓસવાલ વિશ્વના 10 સૌથી મોંઘા ઘરોમાંના એકની માલિક છે. તમને જણાવી દઈએ કે માત્ર 24 વર્ષની નાની ઉંમરમાં વસુંધરા ઓસવાલે બિઝનેસની દુનિયામાં મોટું નામ કમાઈ લીધું છે. વસુંધરા ઓસવાલ ભારતીય અબજોપતિ પંકજ ઓસવાલ અને રાધિકા ઓસવાલની પુત્રી છે. પંકજ ઓસવાલ પોતાના પરિવાર સાથે સ્વિત્ઝર્લેન્ડમાં રહે છે.

પંકજ ઓસવાલ (Pankaj Oswal) અને તેની પત્ની રાધિકા ઓસવાલે (Radhika Oswal)  તાજેતરમાં વિશ્વનું સૌથી મોંઘું ઘર ખરીદ્યું છે અને તે તેમની પુત્રીઓને ભેટમાં આપ્યું છે. આ ઘરની કુલ કિંમત લગભગ 1649 કરોડ રૂપિયા છે. ઘરનો કુલ વિસ્તાર 40,000 ચોરસ મીટરમાં ફેલાયેલો છે. આ બંગલો ખાલી પર્વત અને વહેતી નદીના કિનારે બનાવવામાં આવ્યો છે. વસુંધરા ઓસવાલે પોતાના સોશિયલ મીડિયા પર આ બંગલાની ઘણી તસવીરો શેર કરી છે.

ઓસવાલ જૂથની વસુંધરા ઓસવાલનો જન્મ વર્ષ 1999માં થયો હતો. વસુંધરાનો જન્મ મહારાષ્ટ્રમાં જ થયો હતો. પુત્રીના જન્મના બે વર્ષ બાદ જ પંકજ ઓસવાલ પરિવાર સાથે ઓસ્ટ્રેલિયા ચાલ્યા ગયા. વસુંધરાએ પોતાનો અભ્યાસ પૂરો કરીને સ્વિટ્ઝર્લેન્ડની યુનિવર્સિટીમાં એડમિશન લીધું હતું. અહીંથી તેણે ગ્રેજ્યુએશન કર્યું. અભ્યાસ પૂરો કર્યા બાદ તે ફેમિલી બિઝનેસમાં પણ સામેલ થઈ ગઈ હતી. 

ઓસવાલ ગ્રૂપની વિસ્તરણ યોજનાનું નેતૃત્વ કરી રહેલી વસુંધરાએ કંપનીને ઘણું દેવું ચૂકવ્યું છે. વર્ષ 2020 વસુંધરા માટે વધુ ખાસ હતું જ્યારે તેણીને કંપનીના બોર્ડમાં સામેલ કરવામાં આવી હતી. મીડિયા રિપોર્ટ્સ અનુસાર ઓસ્વાલ ગ્રુપની કુલ સંપત્તિ 24,600 કરોડ રૂપિયાની આસપાસ છે. જો કે આ પરિવારના નામ સાથે ઘણા વિવાદો પણ જોડાયેલા છે.

• ગુગલ ન્યુઝમાં Trishul News Gujarati ની અપડેટ મેળવવા ક્લિક કરો:  Trishul News Gujarati 
• નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે.
• અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. 
• વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.
• યુટ્યુબ ચેનલ સબસ્ક્રાઈબ કરીને જોતા રહો વિડીયો ન્યુઝ: Trishul News YouTube