સુરતમાં વેવાઈ-વેવાણનું હાર્ટ એટેકથી મોત, વેવાઈના મૃતદેહ જોઈ વેવાણ પણ ઢળી પડ્યા- પરિવારમાં છવાયો માતમ

સુરત(Surat): શહેરમાં હાર્ટ એટેક (Heart attack)ને લઈ કાળજું કંપાવી દે તેવી ઘટના સામે આવી છે. મળતી માહિતી અનુસાર, પાંડેસરા (Pandesara) વિસ્તારમાં એક જ ઘરમાં બે સ્વજનોનાં હાર્ટ એટેકથી મોત થયાં હોવાની ઘટના સામે આવી છે. જો વાત કરવામાં આવે તો પાંડેસરા વિસ્તારમાં ગોપાલ નગર ખાતે વેવાઈ અને વેવાણના હાર્ટ એટેકથી મોત નીપજ્યા છે. ગોપાલનગરમાં રહેતી વ્યક્તિનું હાર્ટ એટેકથી મોત થયા પછી તેની અંતિમ વિધિમાં આવેલ વેવાણ પણ મોતને ભેટેલા વેવાઈને જોતાં જ વેવાણને પણ હાર્ટ એટેક આવ્યો હતો અને તેનું પણ મોત નીપજ્યું હતું. ત્યારે શહેરના પાંડેસરા વિસ્તારમાં એક જ ઘરમાં બે વ્યક્તિનાં મોત નીપજ્યાં હતાં. જેને લઇ પરિવાર પર દુઃખનો પહાડ તૂટી પડ્યો છે.

મૃતક, નરેશભાઈ

જો વાત કરવામાં આવે તો સમગ્ર ગુજરાતમાં હાર્ટ એટેકને લઈ વધી રહેલા મોતની ઘટનાઓ ખુબ જ  ચિંતાજનક બની રહી છે. હસતા-રમતા વ્યક્તિઓમાં અચાનક જ હાર્ટ એટેકને કારણે મોત થઈ રહ્યા છે ત્યારે આ બધાની વચ્ચે સુરતમાં  હાર્ટ એટેકની ઘટના સામે આવી છે.

મહત્વનું છે કે, સુરતના પાંડેસરા બમરોલી રોડ ખાતે આવેલ ગોપાલ નગરના P/282 ઘરમાં રહેતા 66 વર્ષના નરેશ ગોરખભાઈ ગુરવને ગઈકાલે સવારે હાર્ટ એટેક આવ્યો હતો. નરેશભાઈ ગઈકાલે સવારે ઉઠીને પેપર લેવા ગયા હતા અને ત્યાર પછી ઘરે આવીને ચા નાસ્તો કર્યો હતો. આ દરમિયાન અચાનક જ તેમને છાતીમાં દુખાવો ઉપડ્યો હતો અને તબિયત લથડી ગઈ હતી. જેથી તેઓને સારવાર માટે ખાનગી હોસ્પિટલમાં લઇ જવામાં આવ્યા હતા. જ્યાં ફરજ પરના તબીબ દ્વારા તેઓને મૃત જાહેર કરવામાં આવ્યા હતા.