પાર્ટીમાં હુક્કો પીતા એમએસ ધોનીનો વિડીયો વાયરલ! વિડીયો સામે આવતાં ફેન્સ ચોંકી ઉઠયા

MS Dhoni smoking hookah: મહેન્દ્ર સિંહ ધોની ક્રિકેટના મેદાન પર તેની શાનદાર ફિનિશિંગ ઇનિંગ્સ અને મેદાનની બહાર સાદું જીવન જીવવા માટે જાણીતો છે. ધોનીએ પોતાના 42માં જન્મદિવસ પર સોશિયલ મીડિયા પર એક વીડિયો શેર કર્યો હતો, જેમાં તે પોતાના પાલતુ પ્રાણીઓ સાથે કેક કાપીને જન્મદિવસની ઉજવણી કરતો જોવા મળ્યો હતો, જેને જોઈને બધાએ માહીના વખાણ કર્યા હતા. પરંતુ હવે સોશિયલ મીડિયા પર એક વીડિયો વાયરલ થઈ રહ્યો છે, જેમાં ચેન્નાઈ સુપર કિંગ્સનો કેપ્ટન ‘હુક્કો’( MS Dhoni smoking hookah ) પીતો જોવા મળી રહ્યો છે.

CSKના કેપ્ટન હુક્કા પીતા જોવા મળ્યા
વીડિયોમાં જોઈ શકાય છે કે પૂર્વ ભારતીય કેપ્ટન તેના લાંબા વાળના લુક સાથે સૂટમાં જોવા મળી રહ્યા છે અને તેની આસપાસ કેટલાક લોકો પણ જોવા મળી રહ્યા છે. આ દરમિયાન CSKના કેપ્ટન હુક્કા પીતા જોવા મળ્યા હતા. ધોનીએ પહેલા મોઢામાં હુક્કો નાખ્યો અને ધુમાડો શ્વાસમાં લીધો અને પછી તે ધુમાડો બહાર કાઢતો જોવા મળ્યો. ધોનીના આ વીડિયો પર લોકોએ પોતાની અલગ-અલગ પ્રતિક્રિયાઓ વ્યક્ત કરી હતી. માહી સાથે કેટલાક લોકો જોવા મળ્યા હતા, જ્યારે ઘણા લોકોએ પૂર્વ ભારતીય કેપ્ટનને ટ્રોલ કર્યા હતા.

સોશિયલ મીડિયામાં ટિક્કા તેમજ સપોર્ટ બન્ને આપવામાં આવ્યો
જ્યાં ચાહકો આ વાયરલ વીડિયો પર પોતાની નારાજગી વ્યક્ત કરી રહ્યા છે અને ‘કેપ્ટન કૂલ’ની ટીકા કરી રહ્યા છે, ત્યારે ઘણા ચાહકો આ વીડિયોને લઈને ધોનીના સમર્થનમાં ઉભા છે. જોકે ધોની પોતે સોશિયલ મીડિયા પર એટલા એક્ટિવ નથી, પરંતુ તેના ફેન્સ માહીની એક ઝલક મેળવવા અને તેની સાથે જોડાયેલી દરેક વાત જાણવા આતુર છે.આ જ કારણ છે કે આ વીડિયો સોશિયલ મીડિયા પર આવતાની સાથે જ તે વાઈરલ થઈ ગયો. આ વીડિયો પર ધોનીના ઘણા ફેન્સનું કહેવું છે કે વીડિયોમાં જે વ્યક્તિ હુક્કા પીતા જોવા મળે છે તે ધોની નથી.

Thala dhoni started smoking after realising that he has 0 overseas centuries pic.twitter.com/HO3ePM2zuS

— ` (@chixxsays) January 6, 2024