પિસ્તોલ સાથે છુટ્ટા હાથે ફાયરિંગની એક્ટિંગ કરતા યુવકનો વાઈરલ વિડીયો

આજકાલ આધુનિક યુગમાં યુવાનોમાં સોશિયલ મીડિયા પર વિવિધ પ્રકારના વીડિયો બનાવીને અપલોડ કરવાનો ક્રેઝ વધી રહ્યો છે. જોકે, ઘણી વખત કંઈક નવું કરવાની લાલચમાં કે મિત્રો વચ્ચે રોલો પાડવા માટે આવું કામ કરી બેસતા હોય છે. જે તેમના માટે જોખમી સાબિત થાય છે. ખાસ કરીને બાઈક પર સ્ટંટ કરવાની જાણે કે, ફેશન આવી હોય તેમ નવાં નવાં વીડિયો સામે આવી રહ્યા છે.

થોડા દિવસ પહેલાં સુરત શહેરમાં પ્રેમીપંખીડાએ બાઈક પર જોખમી સ્ટંટ કર્યો હતો. જેનો વિડીયો સોશિયલ મીડિયા પર ખુબ વાયરલ થયો હતો. આવો જ એક ખતરનાક સ્ટંટનો વિડીયો હાલમાં સામે આવ્યો છે. સોશિયલ મીડિયા પર ફેમસ થવા માટે લોકો પોતાના જીવને પણ જોખમમાં મુકતા હોય છે.

હાલમાં આવો જ એક વીડિયો સોશિયલ મીડિયા પર ખુબ વાયરલ થઈ રહ્યો છે. સુરતના સોશિયલ મીડિયામાં એક યુવકનો બાઈક પર સ્ટંટ કરવા સાથે પિસ્તોલ જેવા હથિયાર સાથે સ્ટંટ કરતો વીડિયો વાઈરલ થયો છે. વીડિયોમાં એક યુવક બુલેટ બાઈક પર હથિયાર બતાવી તેમજ છુટ્ટા હાથે બાઈક ચલાવતો નજરે પડી રહ્યો છે.

આવું પહેલી વખત નહિ બન્યું આ પહેલા પણ અનેક વખત સુરતમાં બાઈક પર સ્ટંટ કરતા વીડિયો વાઈરલ થયા છે. જેની સામે પોલીસે કાર્યવાહી પણ કરી હતી. ત્યારે સોશિયલ મીડિયામાં એક યુવકનો બાઈક પર સ્ટંટ કરવા સાથે પિસ્તોલ જેવા હથીયાર સાથે સ્ટંટ કરતો વીડિયો વાઈરલ થયો છે. વીડિયોમાં દેખાઈ રહેલી વ્યક્તિ સુરત શહેરનો હોવાનું જાણવા મળી રહ્યું છે. જેથી આ મામલે પોલીસ કાર્યવાહી કરશે કે, કેમ તે પણ એક મોટો વિષય છે.