અંધભક્તએ બેડ વગર પિતાને નજર સમક્ષ મરતા જોયા, તો નીતિન પટેલને બેડ કેવી રીતે મળ્યો? ભાજપ સમર્થકનો બળાપો આવ્યો બહાર

પાછલા ઘણા દિવસોથી રાજ્યમાં કોરોનાના કેસોમાં સતત વધારો નોંધાઈ રહ્યો છે. તેમજ રાજ્યની હૉસ્પિટલોમાં કોરોનાના દર્દીઓ માટે પથારીઓ, ઓક્સિજન અને પ્રાણરક્ષક દવાઓના જથ્થાની ભારે અછત હોવાની વ્યાપક ફરિયાદો સામે આવી છે. આ દરમિયાન સ્થાનિક મીડિયામાં સતત ઘણા દર્દીઓએ પોતાના જીવ ગુમાવ્યા હોવાના અહેવાલો આવી રહ્યા છે.

આવી પરિસ્થિતિમાં જ્યારે નીતિન પટેલનો રિપોર્ટ કોરોના પૉઝિટિવ આવતાંની સાથે જ તેમને તાત્કાલિક અસરથી રાજ્યની સરકારી હૉસ્પિટલમાં બેડની સુવિધા મળી ગઈ છે. આ અંગે લોકો સોશિયલ મીડિયા પર પોતાનો રોષ ઠાલવી રહ્યા છે. આ ઉપરાંત સોશિયલ મીડિયા પર ઘણા સોશિયલ મીડિયા યુઝરો નીતિન પટેલને જલ્દી સ્વસ્થ થવાની શુભકામનાઓ પાઠવી રહ્યા છે. જોકે, સરકારી વ્યવસ્થાથી નારાજ પ્રજાજનો તેમના પ્રશંસકો અને શુભેચ્છકોનો પણ સોશિયલ મીડિયા પર ઉધડો લઈ રહ્યા છે.

એક ટ્વીટર યુઝરે લખ્યું છે કે, ” જ્યારે ઘણા લોકોને પથારી નથી મળી રહી તેવા સમયે નીતિન પટેલને આટલી સરળતાથી હૉસ્પિટલમાં પથારી કેવી રીતે મળી ગઈ?” એક યુઝરે સરકારની બેવડી નીતિઓ પર પ્રશ્ન ઉઠાવતાં કહ્યું હતું કે, “તો નીતિનભાઈને ડાઇરેક્ટ દાખલ કરાયા કે તેમણે પણ 108વાળો પ્રોટોકોલ અનુસરવો પડેલો?”

Sir, my fathers RT-PCR came negative but in lungs it shows 50% infection. His oxygen level is also decreasing upto 70% but in Ahmedabad neither 108 wants to take him nor 104 is coming for rapid antegene test. Please do needful #NarendraModi #VijayRupani

— poojan k Patel (@poojankPatel1) April 21, 2021