સુરતના આકાશમાં પ્લેનએ લગાવ્યા સાત રાઉન્ડ- સુરતીઓ મૂંઝાયા આ શું થઇ રહ્યું છે- જાણો શું હતું કારણ

VTIAH BOM/STV (airbus A319-115X -(CJ) સુરત એરપોર્ટ પર લેન્ડ કરવાને બદલે સુરતના આકાશમાં સતત ૨ કલાકના સમય સુધી સાતેક જેટલા રાઉન્ડ મારતા સુરતીઓ ચિંતામાં મુકાયા હતા. કે એક નું એક પ્લેન કેમ સુરત માથે મંડરાય રહ્યું છે. મુંબઈથી ઉપડેલી ફ્લાઈટ સુરત ૩૩ મીનીટમાં આવી પહોચી હતી. પરંતુ આ એક ટ્રેનીંગ ફ્લાઈટ હોવાથી સુરત એરપોર્ટ પર ઉતરાણ કરવાને બદલે હવામાં રાઉન્ડ મારીને પરત મુંબઈ ગયું હતું.

આ ફ્લાઈટ સુરતના આકાશમાં માત્ર 300 ફૂટ સુધી ઉડીને પ્રેક્ટીસ કરી હોવાની વાત સામે આવી છે. મુંબઈ એરપોર્ટ પર સવારે ૮.૩૦ એ ટેકઓફ થયેલી ફ્લાઈટ એ મુંબઈ એરપોર્ટ પર ૧૧.૩૦ એ લેન્ડ કર્યું હતું. સુરતના આકાશમાં પ્લેન આટલો સમય ફર્યું હોવાની ઘટના સુરતીઓએ પહેલી વાર જોઈ હતી અને સોશિયલ મીડિયામાં પણ આ શું થઇ રહ્યું છે તેવા મેસેજ વહેતા થયા હતા.

એક જાણકારે દાવો કર્યો છે કે આ ફ્લાઈટ માં ટેકનીકલ ખામી હોવાથી લેન્ડ ન કરી શક્યું પરંતુ હકીકત માં આ ફ્લાઈટ એક ટ્રેનીંગ ફ્લાઈટ હતી.