January 30, 2025
પિતા નહોતા જાણતા કે તેની એક ભૂલ તેની જ દીકરીનો જીવ લઇ લેશે. પિતાએ પુત્રી પાસેથી મોબાઈલ પરત લઈ લેતા તેણીએ આપઘાત કરી લીધો હતો. યુવતી 11મા ધોરણમાં અભ્યાસ કરતી હતી. પિતાએ જયારે મોબાઈલ પાછો લીધો, ત્યારે તે ડિપ્રેશનમાં આવી ગઈ હતી.
કોતરાના પ્રગતિ નગરમાં રહેતા મેડિકલ રિપ્રેઝન્ટેટિવ રાહુલ શર્માની 16 વર્ષની દીકરી પારુલ શર્માએ શુક્રવારે સવારે 1 વાગ્યે દોરડા વડે ફાંસો ખાઈને આપઘાત કરી લીધો હતો. કાકાએ જણાવ્યું કે, પારુલના પિતા તેમના કામ માટે ભીલવાડા ગયા હતા. મોડી રાત્રે પરત આવવાના હતા. પરિવારના સભ્યો તેની રાહ જોઈ રહ્યા હતા. દીકરી પારુલ નીચે તેના રૂમમાં હતી. માતા પાર્વતી અને નાનો ભાઈ મુકુલ ઉપરના રૂમમાં હતા.
પિતા ઘરે પહોંચ્યા તો તેમણે દીકરીના રૂમનો દરવાજો ખખડાવ્યો. લાંબા સમય સુધી દરવાજો ન ખૂલતાં તે દરવાજો તોડી રૂમમાં પ્રવેશ્યા હતા. પિતાએ જોયું કે, પુત્રી ફાંસી પર લટકતી હતી. પરિવારના સભ્યો બાળકીને નીચે ઉતારીને હોસ્પિટલમાં લઈ ગયા. જ્યાં ડોકટરે મૃત જાહેર કરી હતી.
Trending News
શનિવારે સવારે પોલીસ શબઘર પહોંચી. પરિવારજનો પાસેથી ઘટના અંગે માહિતી મેળવી હતી. ASI રાજેન્દ્ર પ્રસાદે જણાવ્યું કે, યુવતી પાસેથી કોઈ સુસાઈડ નોટ મળી નથી. પોસ્ટમોર્ટમ બાદ મૃતદેહ પરિવારજનોને સોંપવામાં આવ્યો છે. મૃતકના પિતાના કહેવા મુજબ મોબાઈલ પુત્રી પાસેથી લઈ લેવામાં આવ્યો હતો. મોબાઈલ પરત ન મળવાના કારણે હતાશામાં આવીને આપઘાત કર્યો હશે. જોકે આ મામલે તપાસ ચાલી રહી છે.
રાહુલે જણાવ્યું કે, તેમની પુત્રી પારુલ અભ્યાસમાં હોશિયાર છે. છેલ્લા કેટલાક દિવસોથી તેને મોબાઈલની લત લાગી ગઈ હતી. તેમની પુત્રી સોશિયલ મીડિયા પર હોય તે તેમને પસંદ નહોતું. 10 દિવસ પહેલા દીકરી પાસેથી મોબાઈલ લીધો હતો. જે બાદ તે ડિપ્રેશનમાં રહેવા લાગી હતી. ઘણી વખત તેણે તેની માતાને પિતા પાસેથી મોબાઈલ લેવાનું પણ કહ્યું હતું. રાહુલે જણાવ્યું કે, તેની દીકરી પારુલ અજમેરની એમપીએસ(MPS) સ્કૂલની વિદ્યાર્થીની હતી. 11મા ધોરણમાં ભણતી હતી. તેને દસમા ધોરણમાં 92% આવ્યા હતા.
કાકાએ જણાવ્યું હતું કે, પારુલના પિતા રાહુલે મોબાઈલનો વધુ ઉપયોગ કરતા ગુસ્સે થઈને મોબાઈલ પાછો લઈ લીધો હતો. ત્યારથી પારુલ ડિપ્રેશનમાં રહેતી હતી. તે તેના પિતા સાથે સમયાંતરે વાત કરતી હતી. મોબાઈલ પાછો આપવાનો આગ્રહ કરતી હતી. પિતાએ તેના ભવિષ્યને ધ્યાનમાં રાખીને મોબાઈલ પરત આપ્યો ન હતો.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરો.