November 18, 2024
અફઘાનિસ્તાન પર તાલિબાનોના કબજા બાદ સ્થિતિ ઘણી ખરાબ છે. કાબુલ એરપોર્ટ પરથી આવી રહેલી તસવીરો ભયાનક છે. લોકો કોઈપણ રીતે દેશમાંથી બહાર નીકળવા માંગે છે. આ લોકોનું કહેવું છે કે તાલિબાન સાથે રહેવું મુશ્કેલ છે. જોકે, તાલિબાન કહી રહ્યું છે કે મહિલાઓને શિક્ષણ અને કામ કરવાની સ્વતંત્રતા આપવામાં આવશે. અને મહિલાઓને હિજાબ પહેરવો પડશે.
આ સ્થિતિ દરમિયાન એક વીડિયો સોશિયલ મીડિયા પર વધુ વાયરલ થઈ રહ્યો છે. જેમાં એક યુવતી અમેરિકન સૈનિકોની સામે આજીજી કરી રહી છે કે અમને અહીંથી કાઢો નહિતર તાલિબાન મારી નાખશે. વીડિયોમાં જોઈ શકાય છે કે છોકરી રડી રહી છે અને વિનંતી કરી રહી છે કે બચાવો, તાલિબાન મારી નાખશે. આ વીડિયો અફઘાનિસ્તાનમાં રિપોર્ટિંગ કરતા ફ્રીલાન્સ પત્રકાર હિઝબુલ્લા ખાનના ટ્વિટર હેન્ડલ પરથી શેર કરવામાં આવ્યો છે. જોકે અમે આ વિડીયોની પુષ્ટિ કરી શકતા નથી, પરંતુ હાલમાં આ વીડિયો સોશિયલ મીડિયા પર ખુબ જ વાયરલ થઈ રહ્યો છે.
વપરાશકર્તાઓ આ અંગે ઉગ્ર અભિવ્યક્તિ કરીને તેમની શોક વ્યક્ત કરી રહ્યા છે. એક યુઝરે આ વીડિયો પર લખ્યું છે કે આ જોયા બાદ તે દિલથી દુ:ખી થયો હતો. ઘણા લોકોએ આ સમગ્ર ઘટના માટે ચીનને જવાબદાર ઠેરવ્યું છે. તેમનું કહેવું છે કે, ચીનના ટેકાને કારણે તાલિબાન અફઘાનિસ્તાનને કબજે કરવામાં સફળ રહ્યું છે.
Trending News
Shocking scene ? at #Kabul Airport, an Afghan girl, asking #US soldiers to protect her life, & crying, “#Taliban kill me.”#Afghanistan pic.twitter.com/Ek3hCOYMV6
— Hizbullah Khan (@HizbkKhan) August 18, 2021
તાલિબાનના કબજા સામેના પ્રથમ વિરોધમાં દેશના નવા શાસકોની હિંસક પ્રતિક્રિયાના સમાચાર પણ હેડલાઇન્સમાં છે. સ્થાનિક મીડિયા અહેવાલો અનુસાર, તાલિબાનોના વિરોધમાં અફઘાનિસ્તાનનો રાષ્ટ્રધ્વજ ફરકાવવામાં આવ્યો હતો, જેના પર તાલિબાનોએ ગોળીબાર કર્યો હતો. આ ફાયરિંગમાં કેટલાક લોકો ઘાયલ થયા અને ઘણા લોકોના મોત થયા હોવાના અહેવાલો પણ સામે આવ્યો છે.
અહેવાલ મુજબ, બુધવારે જલાલાબાદમાં એક વિરોધ પ્રદર્શન થયું જેમાં તાલિબાનનો ધ્વજ ઉતારવામાં આવ્યો. સ્થાનિક સમાચાર એજન્સી પજવોક અફઘાન દ્વારા ટ્વીટ કરવામાં આવેલા વિડીયોમાં લોકો અફઘાનિસ્તાનનો રાષ્ટ્રધ્વજ લઈને રસ્તા પર છે. આ જોઇને તાલીબાનીઓ દ્વારા ગોળીનો વરસાદ કરવામાં આવ્યો હતો. તેનો પણ એક વિડીયો સોશિયલ મીડિયામાં વાયરલ થઇ રહ્યો છે.
Protest in Jalalabad city in support of National flag.#Afghanistan pic.twitter.com/oxv3GL0hmS
— Pajhwok Afghan News (@pajhwok) August 18, 2021
બીજી બાજુ, તાલિબાન તરફથી નરમ વલણના સંકેતો પણ છે. તાલિબાનોએ કહ્યું છે કે, મહિલાઓને સંપૂર્ણ શરીર ઢાંકનાર બુરખો પહેરવાની ફરજ નહીં પડે. તેમને માત્ર હિજાબ પહેરવાનો હોય છે. છોકરીઓના શિક્ષણમાં કોઈ અડચણ નહીં આવે, પરંતુ જો લોકોને તાલિબાનની વાતો પર વિશ્વાસ હોત તો તેમને દેશ છોડવાની ફરજ પડી ન હોત. રસ્તા પર પ્રદર્શન કરવાનું બંધ કરો.
આ અહેવાલમાં બતાવવામાં આવેલ વિડીયોની પુષ્ટિ ત્રિશુલ ન્યુઝ(TRISHUL NEWS) કરતું નથી.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.