રમવા ગયેલા બે ભાઈઓના નદીમાં ડૂબી જવાથી કરુણ મોત નીપજ્યા, પરિવાર માથે તૂટી પડ્યું આભ

ઉદયપુર(Udaipur) જિલ્લાના ગોગુંડા(Gogunda) વિસ્તારમાં નદીમાં ડૂબી જવાથી બે બાળકોના મોત થયા છે. સંબંધમાં બંને પિતરાઈ ભાઈ હતા. સોમવારે સાંજે બંને રમવા જતા હતા. ત્યારે નદી કિનારે પગ લપસી જવાથી અકસ્માત(accident) સર્જાયો હતો. એકના પડી ગયા બાદ બીજો ભાઈ પણ તેને બચાવવા આવ્યો હતો. તે પણ અકસ્માતનો શિકાર બન્યો હતો. પરિજનો બંને બાળકોના મૃતદેહને પોસ્ટમોર્ટમ કર્યા વિના હોસ્પિટલમાંથી ગામમાં લઈ ગયા હતા. તેમજ અંતિમ સંસ્કાર કર્યા હતા. આ મામલો જિલ્લાના ગોગુંડા વિસ્તારના કાથાર(Kathar) ગામનો છે.

મળતી માહિતી મુજબ, મોજાવત નિવાસી જયવીર (13) પિતા ખુમાન સિંહ મોજાવત અને દક્ષ (12) પિતા હિંમત સિંહ સોમવારે કથારમાં પહાડીઓ પાસે જૂની હવેલીમાં રમવા જઈ રહ્યા હતા. આ દરમિયાન નદી કિનારે પગ લપસવાથી એક ભાઈ અંદર પડી ગયો હતો. જ્યારે જયવીર પણ દક્ષને બચાવવા માટે ઉતર્યો ત્યારે બંને ડૂબી ગયા હતા. નજીકની કેટલીક મહિલાઓએ બૂમો પાડી. લોકો પહોંચ્યા ત્યાં સુધીમાં બંને ભાઈઓ ડૂબી ગયા. આ પછી સ્થાનિક લોકોએ બંનેને બહાર કાઢ્યા અને તેમના સંબંધીઓ સાથે હોસ્પિટલ લઈ ગયા. મૃતક દક્ષ ચોથા ધોરણમાં અને જયવીર પાંચમા ધોરણમાં અભ્યાસ કરતો હતો.

ગોગુંડાથી રેફર થવા પર પરિવાર તેમને ઉદયપુર લઈ ગયો. જ્યાં તબીબોએ તેને મૃત જાહેર કર્યો હતો. મોડી રાત હોવાના કારણે સ્વજનો દ્વારા મૃતદેહને એમબી હોસ્પિટલના શબઘરમાં રાખવામાં આવ્યો હતો. મંગળવારે સવારે પોસ્ટમોર્ટમ વિના જ સ્વજનો મૃતદેહ લઈને વતન ગામ જવા રવાના થયા હતા. પોલીસે કહ્યું કે, પરિવાર કોઈપણ સ્તરે કાનૂની કાર્યવાહી ઈચ્છતો ન હતો, તેથી તેમને પોસ્ટમોર્ટમ વિના મૃતદેહ લઈ જવાની મંજૂરી આપવામાં આવી.