January 19, 2025
કોરોના સંકટમાં વિશ્વના તમામ મોટા દેશો કોરોના માટે દવાઓ બનાવવાનો પ્રયાસ કરી રહ્યા છે. ભારતમાં કોરોના દવાઓ બનાવવા માટે સતત પ્રયાસો કરવામાં આવી રહ્યા છે. ત્યારે આજરોજ બપોરે 12 વાગ્યે પતંજલિનો દાવો છે કે, તેણે કોરોના વાયરસને હરાવવા માટે દવા બનાવી છે. યોગગુરુ રામદેવે મંગળવારે એક પ્રેસ કોન્ફરન્સમાં આની જાહેરાત કરી હતી. પતંજલિના આચાર્ય બાલકૃષ્ણએ કુલપતિ અને નિમ્સ યુનિવર્સિટીના સ્થાપક ડો. પ્રો.બલવીર સિંહ તોમરને પણ આ દવા અંગે શ્રેય આપ્યો હતો.
આચાર્ય બાલકૃષ્ણએ નિમ્સના સ્થાપક ડો.તોમરનો પરિચય આપ્યો હતો. તેમણે કહ્યું કે, ડો.બલવીરસિંહ તોમર નિમસ યુનિવર્સિટી રાજસ્થાનના કુલપતિ ને સ્થાપક છે. જે આધુનિક તબીબી વિજ્ઞાનની પ્રખ્યાત અને આદરણીય સંસ્થા છે. તેમણે સંસ્થાના તમામ મુખ્ય લોકોને કોરોનાની દવા શોધવા માટે મૂક્યા હતા. બાલકૃષ્ણે જણાવ્યું હતું કે, ડો.બલવીરસિંહ તોમારે કિંગ્સ કોલેજ હોસ્પિટલ સ્કૂલ ઓફ મેડિસિન લંડનમાંથી અભ્યાસ કર્યો હતો. તે પછી તેમણે ઇંગ્લેંડમાં કામ કર્યું હતું. ડો.તોમરે ત્યાં હાવર્ડ યુનિવર્સિટીમાં ઘણા સંશોધન કાર્ય કર્યા.
Trending News
ડો.તોમર બાળકોના આરોગ્યને લઈને WHO સાથેના અનેક પ્રોજેક્ટ્સમાં સામેલ થયા હતા. તેમના અનુકરણીય કાર્ય માટે તેમણે કોમનવેલ્થ મેડિકલની ડિગ્રી મેળવી. હાલમાં તે નિમ્સ યુનિવર્સિટીના સર્વેયર છે. આ પહેલા ડો. તોમર રાજસ્થાનની સનવાઈ માનસીંગ મેડિકલ કોલેજમાં કામ કરતા હતા.
તેમના કામ બદલ તેમને રાજીવ ગાંધી એવોર્ડથી નવાજવામાં આવ્યા છે. આચાર્ય બાલકૃષ્ણએ જણાવ્યું હતું કે, ડો. તોમરે આજે કોરોનાના આ દુ:ખને વિશ્વમાંથી મુક્ત કરવાનું કામ કર્યું છે. તેમણે નિમ્સના ડો.પ્રોફેસર જી. દેવપુરાનો પણ પરિચય આપ્યો હતો . તેમણે કહ્યું કે, હાલમાં તે નિમ્સ યુનિવર્સિટીના પ્રોફેસર અને મેડિસિન વિભાગના વડા છે. તબીબી ક્ષેત્રે તેનો 36 વર્ષનો અનુભવ છે. તે અગાઉ સવાઈ માનસિંહ મેડિકલ કોલેજમાં મેડિસિનના હેડ અને પ્રોફેસર રહી ચૂક્યા છે.
યોગગુરુ બાબા રામદેવની પતંજલિ કંપનીનો દાવો છે કે, તેઓએ આ રોગચાળાને હરાવવા માટે દવા તૈયાર કરી છે. મંગળવારે પ્રેસ કોન્ફરન્સમાં રામદેવ બાબાએકહ્યું કે, સમગ્ર વિશ્વ કોરોના વાયરસની દવાઓ બહાર આવે તેની રાહ જોઈ રહ્યું હતું, આજે અમને ગર્વ છે કે, આપણે કોરોના વાયરસની પ્રથમ આયુર્વેદિક દવા તૈયાર કરી છે. આ આયુર્વેદિક દવાનું નામ કોરોનિલ છે.
રામદેવે કહ્યું કે, આજે એલોપેથિક સિસ્ટમ દવા તરફ દોરી રહી છે. જેના કારણે નામ આપણે કોરોનિલ આપવામાં આવ્યું છે. જેમાં અમે ક્લિનિકલ કંટ્રોલ અભ્યાસ કર્યો હતો, સો લોકો પર તેનું પરીક્ષણ કરાયું હતું. ત્રણ દિવસની અંદર, 65 ટકા દર્દીઓ પોજીટીવથી નેગેટીવ થઈ ગયા.
યોગગુરુ રામદેવે કહ્યું કે, સાત દિવસમાં 100 ટકા લોકો સાજા થયા, અમે તેને સંપૂર્ણ સંશોધન સાથે તૈયાર કર્યું છે. અમારી દવામાં 100 ટકા પુન:પ્રાપ્તિ દર અને શૂન્ય ટકા મૃત્યુ દર છે. રામદેવે કહ્યું કે, જો લોકો હમણાં આ દાવા પર અમને સવાલ કરે છે તો પણ અમારી પાસે દરેક સવાલોના જવાબો છે. અમે બધા વૈજ્ઞાનિક નિયમોનું પાલન કર્યું છે.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો ત્રિશુલ ન્યુઝની એન્ડ્રોઇડ એપ મોબાઇલ એપ્લિકેશન. અથવા Google Play Store માં જઈને Trishul News સર્ચ પણ કરી શકો છો.
https://play.google.com/store/apps/details?id=com.trishul.news