12 યુવક યુવતી બંધ મકાનમાં ભેગા થઈને કરી રહ્યા હતા આવી નાપાક હરકત અને આવી ગઈ પોલીસ…

વડોદરાની સુમનદિપ હોસ્ટેલમાં રહી નોકરી અભ્યાસ કરતા યુવાન-યુવતીઓ દારૂનિ મેહફિલ માણતા ઝડપાયા છે. આમોદરના શ્યામલ કાઉન્ટી સોસાયટી ખાતે આ દારૂની મેહફિલ યોજાઈ હતી. જો કે, સાસાયટીના રહિશોએ બાતમી આપતા વાઘોડિયા પોલીસે દરોડા પાડ્યા હતા. જેમાં યુવતીઓ અને યુવકો મળીને કુલ 12 લોકોની પોલીસે ધરપકડ કરી હતી. આ સાથે પોલીસે રૂમમાંથી ઊંચી બ્રાન્ડની વિદેશી દારૂની 6 ખાલી બોટલ તેમજ ગ્લાસ જપ્ત કર્યા હતા.

કેટલાંક યુવક-યુવતીઓ એક મકાનમાં દારૂની મહેફિલ માણી રહ્યા છે. જેથી વાઘોડિયા પોલીસ સ્થળ પર પહોંચી હતી પોલીસે તપાસ કરતાં શ્યામલ કાઉન્ટી સોસાયટીમાં ભાડેથી મકાન રાખીને રહેતા સુમનદીપ વિદ્યાપીઠના બે વિદ્યાર્થીઓએ અન્ય કેટલાક વિદ્યાર્થી-વિદ્યાર્થીનીઓને બોલાવીને દારૂની મહેફિલ માણતા હોવાનું જણાઈ આવ્યું હતું.

પોલીસે વ્હાઇટ વોકર ઇંગ્લિશ દારૂની ખાલી બોટલ-૨, બ્લેક ડોગ બ્લેક રિઝર્વ ઇંગ્લિશ દારૂની ખાલી બોટલ-૧, બ્લેક ડોગ(Black Dog) ત્રિપલ હોલ્ડ રિઝર્વ ઇંગ્લિશ દારૂની ખાલી બોટલ-૧, ટીચર્સ હાઇલેન્ડ ક્રીમ ઇંગ્લિશ દારૂની ખાલી બોટલ-૧, વેટ ૬૯ ઇંગ્લિશ દારૂની ખાલી બોટલ-૧, પાણીની બોટલો, પ્લાસ્ટિકના ગ્લાસ(Plastic glass), ૧૦ મોબાઇલ (Mobile) તેમજ જૈનમ મહેતાની કાર (Car) અને અંશુલ ગુપ્તાની કાર મળીને કુલ રૂપિયા ૯,૫૫,૦૦૦ નો મુદ્દામાલ કબજે કર્યો હતો.

પોલીસની તપાસમાં એવી વિગત બહાર આવી હતી કે આ મકાન ડો. કીર્તન પટેલ અને જૈનમ મહેતાએ ભાડે રાખ્યું હતું તેમજ તેમણે દારૂની મહેફિલ ગોઠવી હતી. ઝડપાયેલા અન્ય શખ્સો સુમનદીપની બોય્ઝ હોસ્ટેલ તેમજ સુમનદીપ હોસ્પિટલની વામાં હોસ્ટેલમાં રહે છે. પોલીસે બાર શખ્સોની ધરપકડ કરી કાયદેસરની કાર્યવાહી હાથ ધરી છે.