સુરત: રોંગ સાઈડથી રસ્તો ક્રોસ કરી રહેલી મહિલાએ ચાર વાહનોને અડફેટે લેતા સર્જાયો અકસ્માત – જુઓ વિડીયો

ગુજરાતમાં અવાર-નવાર અકસ્માતની ઘટનાઓ સામે આવતી રહે છે. ત્યારે આજે ફરી એક વખત સુરતમાંથી આવી જ એક ઘટના સામે આવી છે. ગાડી લઈને નીકળેલ મહિલા રોંગ સાઈડથી રસ્તો ક્રોસ કરી રહી હતી. આ દરમ્યાન મહિલાની ગાડી સાથે અચાનક 3 થી 4 વાહનો અથડાતા ચકચાર મચી ગઈ છે.

દક્ષીણ ગુજરાતમાં આવેલ સુરતના વરાછા વિસ્તારમાં યોગી ચોક પાસે રોંગ સાઈટ જતી મહિલાને કારણે અકસ્માત સર્જાયો હતો. જેને પગલે મહિલા સાથે રોડ ક્રોસ કરતી વેળાએ અડફેટે આવેલા વાહનચાલકો અને મહિલાને ઈજા થતા સારવાર અર્થે ખાનગી હોસ્પિટલમાં ખસેડવામાં આવ્યા હતા.

સુરતમાં આવેલ વરાછા વિસ્તારના યોગી ચોક પાસે મહિલા દ્વારા અકસ્માત સર્જાતા લોકોના ટોળા એકઠા થઈ ગયા હતા. રોંગ સાઈડ જતી મહિલા સાથે અકસ્માત સર્જાયો હતો. મહિલા પોતાના વેહિકલ દ્વારા રસ્તો ક્રોસ કરી રહી હતી, મહિલા રોંગ સાઈડથી રસ્તો ક્રોસ કરવા જઈ રહી હતી. આ સમયે ક્રોસ રોડ પર 3 થી 4 વાહનચાલકોને મહિલાએ અડફેટે લીધા હતા. અચાનક એકસાથે આટલા વાહનો અથડાતા લોકો દંગ રહી ગયા હતા અને ઘટના સ્થળે આવી પહોંચ્યા હતા.

હાલમાં આ સમગ્ર ઘટનાના cctv ફૂટેજ પણ વાઈરલ થઈ રહ્યા છે. અકસ્માતની સમગ્ર ઘટના સીસીટીવીમાં કેદ થઈ ગઈ હતી. જોકે, અકસ્માતમાં મહિલા સાથે રોડ ક્રોસ કરતી વેળાએ અડફેટે આવેલા એક વાહનચાલક અને મહિલાને ઈજા થતા સારવાર અર્થે ખાનગી હોસ્પિટલમાં ખસેડવામાં આવ્યા હતા.