November 15, 2024
ગુજરાતમાં મહિલા દૂધ કો-ઓપરેટિવ મંડળીઓની સંખ્યા એક દાયકામાં ખુબ વધારો થયો છે. વર્ષ 2009-2010 સુધી રાજ્યના ગામડાઓમાં 1871 ડેરી દૂધ મંડળીઓ હતી જેનું સંચાલન સંપૂર્ણ રીતે મહિલાઓ દ્વારા કરાતું. હાલમાં ગુજરાતમાં 5125 દૂધ મંડળીઓ છે જેનું સંચાલન મહિલાઓ દ્વારા કરવામાં આવે છે.
ભારતના દૂધ ઉત્પાદનમાં મહત્વપૂર્ણ ગણાતા આણંદથી 20 કિલોમીટરના દૂર આવેલા ઓડ ગામમાં એક મહિલા રહે છે. જેમનું નામ મીના પટેલ છે. તેમણે લીધેલા એક નિર્ણયે પરિવારની જિંદગી બદલી નાખી. મીના જ્યારે લગ્ન કરીને 1996માં સાસરે આવ્યા ત્યારે તેમની પાસે એક ગાય અને ભેંસ હતી. મીનાના પતિ વસંત ખેડૂત છે, તે બાઈક ખરીદવા ઈચ્છતા હતા, પરંતુ ધોરણ 11 પાસ મીનાએ તેમને ગાય ખરીદવા કહ્યું. હવે મીનાના ઘરે તબેલામાં 75 ગાય અને ભેંસ છે. પરિવાર પાસે હાલમાં માત્ર બાઈક જ નહીં, ટ્રેક્ટર અને કાર પણ છે.
Trending News
મીના પટેલ મહિને 400 લિટર દૂધથી 1 લાખ રૂપિયાની કમાણી કરે છે, તેમાંથી મોટાભાગનું દૂધ ડેરી કો-ઓપરેટિવ સોસાયટી (DCS)માં જાય છે, જે અમુલ ડેરી સાથે રજીસ્ટર્ડ છે. 44 વર્ષના આ મહિલા બે બાળકોની માતા છે. મીના પટેલ જણાવતા કહે છે, શરૂઆતના સાત વર્ષ મેં ખૂબ મુશ્કેલીનો સામનો કર્યો, અમારે આર્થિક મુશ્કેલીમાંથી પસાર થવું પડ્યું. પરંતુ મેં એક ગાયથી 15 ગાય કરી અને પછી ક્યારેય પાછું વળીને નથી જોયું. મેં પૈસા બચાવીને ઢોરમાં રોકાણ કરવાનું ચાલું રાખ્યું.
મીના પટેલની જેમ જ 56 વર્ષના સુવર્ણા પટેલ જે આણંદથી 35 કિમી દૂર આવેલા શેખડી ગામમા રહે છે. તેમણે પણ આર્થિક રીતે પગભર થવા ઘણી મુશ્કેલીઓનો સામનો કર્યો. સુવર્ણા કહે છે, મારા પતિને લડવાનો હુમલો આવતા તેઓ 10 વર્ષ સુધી પથારીમાં પડ્યા રહ્યા. આથી પરિવારની એકલા હાથે જવાબદારી સુવર્ણાને સંભાળવી પડી. તે ગામની મંડળીમાં દૂધ ભરાવવા પર મળતી બોનસનો સારો ઉપયોગ કરતા. આ પટેલ પરિવારને એક ગાય અને ભેંસ હતી.
સુવર્ણા જણાવતા કહે છે, દૂધ વેચવાથી મળતા બોનસથી મેં ઢોરની સંખ્યા વધારવાનું શરૂ કર્યું. બાદમાં મેં એક તબેલો ભાડે રાખ્યો. હાલમાં તેમની પાસે 32 ઢોર છે. સુવર્ણા માત્ર 9 ધોરણ ભણેલા છે, પરંતુ વેપાર કરવાની તેમની સમજદારીથી તેઓ તબેલામાંથી મહિને 3.75 લાખ રૂપિયા કમાય છે.
સુવર્ણા બહેન જણાવતા કહે છે, બધા ખર્ચાને બાદ કરતા મહિને મારી પાસે 75000 રૂપિયા બચે છે. તેમણે પોતાની બે દીકરીઓને ઉછેરી અને તેમના લગ્ન પણ કરાવ્યા. ઉપરાંત તેમનો દીકરો અભિષેક પણ ઓસ્ટ્રેલિયાના બ્રિસબેનમાં MBA હોટલ મેનેજમેન્ટનો અભ્યાસ કરે છે. સુવર્ણા બેન પણ હવે પોતાના દીકરા સાથે ઓસ્ટ્રેલિયામાં સ્થાયી થવા ઈચ્છે છે. તેમની એક દિકરી પહેલાથી લંડનમાં રહે છે.
GCMMFના મેનેજિંગ ડિરેક્ટર આર.એસ સોઢીએ જણાવતા કહ્યું, પશુ પાલન ઉદ્યોગમાં લગભગ 100 ટકા કામ મહિલાઓ સંભાળે છે. કેટલાક પરિવારોમાં પુરુષોના નામે મેમ્બરશીપ રજીસ્ટર હોય છે, પરંતુ હકીકતમાં ઢોરની દેખરેખ અને દૂધ દોવાનું કામ કામ મહિલાઓ કરતી હોય છે.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે.
લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો ત્રિશુલ ન્યુઝની એન્ડ્રોઇડ એપ મોબાઇલ એપ્લિકેશન. અથવા Google Play Store માં જઈને Trishul News સર્ચ પણ કરી શકો છો.
https://play.google.com/store/apps/details?id=com.trishul.news
તમે અમને વોટ્સેપ, ફેસબુક, ટ્વીટર, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.