શિક્ષિત બેરોજગારોનું વધુ એક આંદોલન થવાના ડરને પગલે કેટલાય આંદોલનકારીઓને પોલીસે ઉઠાવ્યા

છેલ્લા ચાર વર્ષથી આંદોલનની ભૂમિ બનેલા ગુજરાતમાં વધુ એક આંદોલન થવાની શક્યતાને પગલે સરકાર ડરી ગઈ હોય તેવું લાગી રહ્યું છે. થોડા દિવસ આગાઉ થયેલું LRD ભરતીનું આંદોલન હોય કે પછી સ્પર્ધાત્મક પરીક્ષાઓ બાબતનું ડીજીટલ આંદોલન હોય, સતત નોકરી વંચિત યુવાનો રૂપાણી સરકારની ચિંતા વધારી રહ્યા છે.

તાજેતરમાં જ પૂર્ણ થયેલા LRD આંદોલન બાદ હવે ફરીવાર બિનસચિવાલય પરીક્ષર્થીઓ આંદોલન કરવા આવતીકાલે ગાંધીનગર એકઠા થવાના છે તેવી માહિતી બહાર આવતા જ રાજ્યભરમાં પ્રમુખ આંદોલનકારીઓને આજે પોલીસે અટકાયતમાં લઈને પૂછપરછ આદરી છે.

આ વાતની જાણકારી આપતા દિનેશ બાંભણીયા જણાવે છે કે, ગુજરાત પોલીસ દ્વારા તમામ તાલુકા જીલ્લાએ આંદોલનકારીઓની અટકાયત કરવામાં આવી છે. બિનસચિવાલય પરીક્ષથીઓના આગેવાન યુવરાજ સિહ ની અટકાયત કરાઈ છે. સુરતમાં પણ ચિંતન સંઘાણીની અટકાયત કરીને નજરકેદ કરી દેવામાં આવ્યો છે અને આવતીકાલ સુધી તેને નજરકેદ માં રહેવાનું સુરત પોલીસનું કહેવું છે.