સુરત: બાંગ્લાદેશ થી સગીરાને બોલાવીને દેહ વ્યાપારમાં ધકેલનાર ઇસમ ઝડપાયો – આ રીતે થયો ભાંડાફોડ

દેશમાં અવાર-નવાર કોઈને કોઈ જગ્યાએ થી દેહ વ્યાપાર ની ઘટનાઓ સામે આવતી રહે છે. મોટા ભાગે આવી ઘટનાઓમાં બાંગ્લાદેશમાંથી યુવતીઓનો બોલાવવામાંઆવતી હોય છે. ત્યારે આજે ફરી એક વખત આવી જ એક ઘટના દક્ષીણ ગુજરાતમાં આવેલ સુરતમાંથી સામે આવી છે. બાંગ્લાદેશથી તસ્કરી કરી ભારત લાવવામાં આવેલી યુવતીઓને દેહ વેપાર અને અન્ય કામ કરાવવા માટે ચાલતા મોટા રેકેટનો ભાંડાફોડ થયો છે. ઈન્દોર પોલીસે એક આવા દેહ વેપારમાં ફસાયેલી 20 છોકરીઓને આઝાદી અપાવી છે.

આ યુવતીઓને બાંગ્લાદેશમાંથી સુરતમાં દેહવેપાર માટે લાવવામાં આવી હતી. આ ઘટના વિશે આખા દેશની વાત કરવામાં આવે તો આ રીતે ભારતમાં 1000 જેટલી યુવતીઓને લાવવામાં આવી છે. ઈન્દોરમાંથી છોડાવામાં આવેલી આ યુવતીનું કનેક્શન ડ્રગ્સના ધંધા સાથે પણ સંકળાયેલું છે. આ સંબંધિત જાણકારી આઈબી અને વિદેશ મંત્રાલયને પણ મોકલાવામાં આવી છે.

દક્ષીણ ગુજરાતમાં આવેલ સુરતના ખટોદરા વિસ્તારમાંથી આવું જ એક દેહ વ્યપારનું કૂટણખાનું ચલાવવામાં આવી રહ્યું હતું. ક્રાઇમ બ્રાન્ચને મળતી માહિતી અનુસાર, ખટોદરા વિસ્તારમાં શોધખોળ કરવામાં આવી હતી. આ દરમ્યાન, 50 હજારમાં ખરીદી તરુણી ને દેહ વેપારના ધંધામાં ધકેલનાર મિલન ખલિલ ની ધરપકડ કરવામાં આવી હતી. મિલનને ક્રાઇમબ્રાંચની મીસીંગ સેલે બેંગ્લોરથી ઝડપ્યો છે.

બાંગ્લાદેશમાંથી બોલાવવામાં આવેલ 14 વર્ષની સગીરાને બેંગ્લોર ના મિલને બાંગ્લાદેશી મોહસીન પાસેથી 50 હજારમાં ખરીદી હતી. 40 વર્ષીય મિલન ખલીલ મુસ્લિમ (રહે,ગંગોત્રીનગર,જી.બેંગ્લોર) સગીર-યુવતીઓને વૈશ્યાવૃતિમાં વેચવાની દલાલી કરતો હતો. મિલને શરૂઆતમાં બેંગ્લોરમાં સગીરાને સ્પામાં દેહવ્યાપારના ધંધામાં ધકેલી દઈ થોડા સમય પછી મુંબઈની મહિલા ફિરોજા ઉર્ફે નીતુ અલમીન શેખને વેચી દીધી હતી.