BREAKING NEWS: જમ્મુ-કાશ્મીરના રાજૌરીમાં મોટી દુર્ઘટનાઃ ખીણમાં ખાબકી આર્મીની એમ્બ્યુલન્સ, 2 જવાનો શહીદ

જમ્મુ-કાશ્મીર (Jammu-Kashmir) માં સેના (army) ના જવાનોની શહાદતનો સિલસિલો અટકવાનો નામ નથી લઈ રહ્યો. તાજેતરમાં જ પૂંચમાં આતંકવાદી હુમલા (Terrorist attacks) માં પાંચ જવાનો શહીદ થયા હતા, ત્યારબાદ શનિવારે રાજૌરીમાં એક દુ:ખદ અકસ્માત થયો હતો. આ અકસ્માતમાં સેનાના બે જવાન શહીદ થયા છે. 

શહીદ થયેલા જવાનોમાં એક રાજૌરી(Rajouri)નો રહેવાસી હતો જ્યારે બીજો જવાન બિહારનો રહેવાસી હતો. અધિકારીઓએ જણાવ્યું હતું કે, સેનાની એમ્બ્યુલન્સ નિયંત્રણ રેખા નજીક ડુંગી ગાલા સેક્ટરમાં અકસ્માતનો ભોગ બની હતી જ્યારે તેના ડ્રાઇવરે તીવ્ર વળાંક પર નિયંત્રણ ગુમાવ્યું હતું. તેમણે કહ્યું કે અકસ્માતમાં એમ્બ્યુલન્સ ડ્રાઈવર અને એક સૈનિકનું મોત થયું છે. 

Two Army personnel killed as force’s ambulance skids off road, plunges into gorge in Jammu and Kashmir’s Rajouri district: Officials

— Press Trust of India (@PTI_News) April 29, 2023

આ પહેલા પણ ગત વર્ષે સિક્કિમમાં આવી જ એક દુર્ઘટનામાં 16 જવાનોના મોત થયા હતા. તમને જણાવી દઈએ કે ગુરુવારે 20 એપ્રિલના રોજ આતંકવાદીઓએ જમ્મુ-કાશ્મીરના રાજૌરી સેક્ટરમાં ભીમ્બર ગલી અને પુંછ વચ્ચે સેનાના વાહન પર હુમલો કર્યો હતો.