અન્યાયથી પીડિત 21 યુવાનોએ મુંડન કરાવી રૂપાણી સરકારનું કર્યું બારમું- જાણો વિગતે

ગુજરાત સરકાર દ્વારા LRD(લોક રક્ષક દળ)ની ભરતીમાં OBC, SC અને STના બહેનો સાથે કરવામાં આવેલા અન્યાય સામે ભાવનગરમાં વિવિધ સંસ્થાઓ દ્વારા તેનો વિરોધ કરવામાં આવી રહ્યો છે. સરકારની આ નીતિથી દરેક જનતા રોષે ભરાઈ હતી. સરકારની આ અન્યાયકારી નીતિનો વિરોધ કરવા ભાવનગરના 21 યુવાનોએ ભાજપ સરકારનું બારમું કર્યું હતું. આવું કરવાનો હેતુ ફક્ત એટલો હતો કે સરકારને તેમની ખોટી નીતિ સમજાય.

હાલમાં જ LRD (લોક રક્ષક દળ)ની પરીક્ષા લેવામાં આવી હતી. આ પરિક્ષામાં OBC, SC અને ST કેટેગરીના બહેનોને વધારે માર્કસ મળ્યા હોવા છતાં તેમને નોકરીમાં લીધા નહિ અને પછાત સમાજને અન્યાય કરવામાં આવ્યો હતો. જેના કારણે છેલ્લા 45 દિવસથી અન્યાયનો ભોગ બનેલા બહેનો દ્વારા ગાંધીનગરમાં આંદોલન ચાલી રહ્યું છે. આ અંદોલન આ બહેનોનું ભવિષ્ય સારું બને તે માટે લોકો તેમના માટે આ અંદોલન કરી રહ્યા છે.