મણિપુરમાં ફરી ફાટી નીકળી હિંસા: મૈતેઈ સમુદાયના 3 લોકોની કરાઇ હત્યા, અનેક ઘરોમાં આગ ચાંપી

Manipur Violence news: ભારતના મણીપુરમાં લગભગ ત્રણ મહિનાથી ચાલતી હિંસા(Manipur Violence) હજુ પણ અટકવાનું નામ નથી લઈ રહ્યું. રાજ્યમાં 35 હજારથી વધુ સૈનિકો તૈનાત કરવામાં આવ્યા હોવા છતા ઘણા વિસ્તારોમાં સ્થિતિ બેકાબુ બની ગયી છે.અને નિયમિત અંતરે ગોળીબારના અવાજ સંભળાય રહ્યા છે. તેમાં ફરી એકવાર મણિપુરના બિષ્ણુપુર જિલ્લામાં હિંસા ફાટી નીકળી છે.

બિષ્ણુપુર જિલ્લામાં શુક્રવારે રાતે મૈતેઈ સમુદાયના 3 લોકોની હત્યા કરી દેવામાં આવી છે.જ્યારે ઉપદ્રવીઓએ અનેક ઘરોમાં આગચંપી કરી છે. જે બાદ પોલીસનો મોટો કાફલો ઘટના સ્થળે તૈનાત કરી દેવામાં આવ્યો છે.

રસ્તા પર ઉતરેલા ટોળાએ મચાવ્યો આતંક
બિષ્ણુપુર પોલીસના જણાવ્યા મુજબ,મૈતેઈ સમુદાયના 3 લોકોની હત્યા કરી દેવામાં આવી છે. તે ઉપરાંત કુકી સમુદાયના લોકોના ઘરમાં આગ લગાડવામાં આવી છે. પોલીસનું કહેવું છે કે, કેટલાક લોકો બફર ઝોન પાર કરીને મૈતેઈ વિસ્તારમાં ઘુસ્યા હતા, આ તમામે મૈતેઈ વિસ્તારમાં ફાયરિંગ કર્યું હતું.

ગુરુવારે પોલીસ ચોકીમાં કરી હતી તોડફોડ
ગુરુવારે પણ મણિપુરના બિષ્ણુપુર જિલ્લાના કેટલાક વિસ્તારોમાં સ્થિતિ તણાવપૂર્ણ બની હતી. બિષ્ણુપુર જિલ્લામાં ગુરુવારે ટોળાએ બે ચોકીઓમાં તોડફોડ પણ કરી હતી, આ દરમિયાન ઓટોમેટિક બંદૂકો સહિત હથિયારો અને દારૂગોળો લૂંટી લેવામાં આવ્યો હતો.