હિમાચલમાં કુદરતનું રૌદ્ર સ્વરૂપ: શિમલામાં ફરી ભૂસ્ખલન થતા તાશના પત્તાની જેમ મકાન થયું ધરાશાયી, 2 લોકોના મોત

Shimla Landslide: હિમાચલ પ્રદેશના શિમલામાં કૃષ્ણા નગર વિસ્તારમાં પહાડી તૂટી પડી હતી. લગભગ પાંચથી સાત મકાનો ધરાશાયી(Shimla Landslide) થયા હતા. ઘણા લોકો કાટમાળ નીચે દટાયા હોવાની આશંકા છે. એમ્બ્યુલન્સ, NDRF, SDRF અને સ્થાનિક પોલીસ ઘટનાસ્થળે પહોંચી ગઈ છે અને બચાવ કાર્ય ચાલુ છે. અત્યાર સુધીમાં બે મૃતદેહ મળી આવ્યા છે. મોડી સાંજે મુખ્યમંત્રીએ પણ ઘટનાસ્થળની મુલાકાત લીધી હતી. તેમણે જણાવ્યું કે, હિમાચલ પ્રદેશમાં વરસાદ અને ભૂસ્ખલનના કારણે 60 લોકોના મોત થયા છે. હિમાચલના પૂર પ્રભાવિત વિસ્તારોમાં લોકોની મદદ માટે શિમલા, કાંગડા, ફતેહપુર અને ઈન્દોરામાં પણ સેના તૈનાત કરવામાં આવી છે.

જુઓ અકસ્માતનો LIVE વીડિયો
સ્થાનિક કાઉન્સિલરે જણાવ્યું હતું કે, ઈમારતોમાં તિરાડો દેખાવા લાગી હતી અને જ્યારે તે વધવા લાગી ત્યારે લગભગ 20-25 મકાનો ખાલી કરાવવામાં આવ્યા હતા. જેના કારણે 50થી વધુ લોકોના જીવ બચી ગયા હતા.

#WATCH | Himachal Pradesh CM Sukhvinder Singh Sukhu says “Two people have lost their lives in the incident. A total of 60 people have died in the state so far due to incessant rainfall. Educational Instituted will be closed tomorrow. Bodies are being recovered in the Summer Hill… pic.twitter.com/YNpQc92aSR

— ANI (@ANI) August 15, 2023

સમર હિલ ઘટના
બીજી તરફ સમર હિલમાં ભૂસ્ખલન બાદ બચાવ કામગીરી ચાલી રહી છે. શિમલાના ડેપ્યુટી કમિશનર આદિત્ય નેગીએ જણાવ્યું કે, અહીંથી અત્યાર સુધીમાં 12 મૃતદેહો મળી આવ્યા છે. મંગળવારે 4 મૃતદેહ મળી આવ્યા છે. NDRFની બે કંપનીઓ તૈનાત કરવામાં આવી છે. SDRF, હોમગાર્ડ્સ, રાજ્ય પોલીસ અને ભારતીય સેના પણ તૈનાત કરવામાં આવી છે. હિમાચલ પ્રદેશના શિમલામાં બે ભૂસ્ખલન સ્થળ પરથી અત્યાર સુધીમાં 14 મૃતદેહો મળી આવ્યા છે. અધિકારીઓને આશંકા છે કે કાટમાળ નીચે હજુ વધુ લોકો ફસાયા હોવાની આશંકા છે.