જુઓ CCTVમાં કેદ થયેલી ઘટના: 3 વર્ષીય માસુમને SUV કાર એ કેવી રીતે કચડી નાખી

3 year old girl crushed by an SUV Hyderabad: હૈદરાબાદથી એક દર્દનાક ઘટના સામે આવી છે. અહીં એક SUV કાર ત્રણ વર્ષની બાળકી પર ચડી ગઈ (girl crushed by an SUV) હોવાની ઘટના પ્રકાશમાં આવી છે. આ સમગ્ર ઘટના સીસીટીવીમાં કેદ થઈ હતી. આ વીડિયો એટલો હ્રદયદ્રાવક છે કે કોઈ તેને જોઈ શકશે નહીં. છોકરીને ગરમી લાગી રહી હતી અને તે પાર્કિંગ એરિયામાં જઈને સૂઈ ગઈ. એક કાર ચાલક તેની SUV કારમાં આવ્યો અને બાળકી પર કાર ચડાવી દીધી હતી. આ દર્દનાક ઘટના હૈદરાબાદના (Hyderabad Car Accident) હયાતનગરમાં બની હતી.

બપોરે લગભગ 2.30 વાગ્યે તેણે તેના બે બાળકો (6 વર્ષીય પુત્ર બસવા રાજુ અને ત્રણ વર્ષની પુત્રી લક્ષ્મી) સાથે ભોજન કર્યું, ભોજન કર્યા પછી પુત્રી લક્ષ્મીને ખૂબ ગરમી લાગવા લાગી અને તેથી હૈદરાબાદમાં દિવસ દરમિયાન ખૂબ જ ગરમી રહે છે. બાળકી નજીકના બાલાજી આર્કેડ એપાર્ટમેન્ટના ભોંયરામાં સૂઈ ગઈ હતી. સામાન્ય રીતે ઊંચી ઇમારતોના ભોંયરામાં ઠંડક હોય છે તેથી છોકરી ત્યાં સુઈ ગઈ.

હૈદરાબાદમાં બેફામ કાર ચાલકે 3 વર્ષની બાળકી પર ચડાવી દીધી ગાડી- CCTV કેમેરામાં કેદ થયો મોતનો ખેલ#Hyderabad #News #CCTV #Video #TrishulNews pic.twitter.com/t7WlUgPNFB

— Trishul News (@TrishulNews) May 26, 2023

બપોરે 3 કલાકે બની ઘટના

બાળકીની માતાએ પોલીસને જણાવ્યું કે લગભગ 3 વાગે છોકરીને એક SUV કારે પાર્કિંગમાં કચડી નાખી. જેના કારણે ત્રણ વર્ષની બાળકીનું ઘટના સ્થળે જ મોત નીપજ્યું હતું. હાલ પોલીસે કેસ નોંધી લીધો છે અને તપાસ કરવામાં આવી રહી છે. જે પણ આ ઘટના વિશે સાંભળે છે તેની આંખો ભીની થઈ જાય છે. ત્રણ વર્ષની માસૂમ બાળકીના મોત બાદ માતા સંવેદનહીન છે. માત્ર 30 મિનિટ પહેલા જ માતાએ જે બાળક સાથે ભોજન કર્યું હતું.