November 18, 2024
મંગળવારના રોજ જયપુર એરપોર્ટ(Jaipur Airport) પરથી DRI (ડાયરેક્ટોરેટ ઓફ રેવન્યુ ઈન્ટેલિજન્સ) 1 કિલો સોનું જપ્ત કર્યું હતું. ત્રણ અલગ-અલગ તસ્કરો શારજાહ(Sharjah)થી સોનું લાવ્યા હતા. તેમાંથી બે એરપોર્ટ પર ઝડપાયા હતા અને સોનું જપ્ત કરવામાં આવ્યું હતું. ત્રીજો તસ્કર સોનાના ચાર બોલ ગળી ગયો હતો. તેને હોસ્પિટલમાં દાખલ કરવામાં આવ્યો છે, જ્યાં ડોક્ટરોની ટીમે તેના પેટમાંથી સોનું કાઢ્યું છે.
20 એપ્રિલે ત્રણ યુવકો શારજાહથી જયપુર પહોંચ્યા હતા. ત્રણેય એક જ ફ્લાઈટથી જયપુર પહોંચ્યા. ડીઆરઆઈએ જયપુર એરપોર્ટ પરથી ત્રણ શકમંદોની શંકાના આધારે ધરપકડ કરી હતી. તેમની તલાશી લેતા એક મુસાફર પાસેથી 1.5 લાખની વિદેશી સિગારેટ મળી આવી હતી. તેની કિંમત 17 લાખ રૂપિયા હતી. અન્ય મુસાફર પાસેથી 12 લાખની કિંમતનો 10 કિલો ઈરાની કેસર જપ્ત કરવામાં આવ્યો હતો. બંને તસ્કરોની વધુ તપાસ બાદ પ્રાઈવેટ પાર્ટ (રેક્ટમ)માંથી બે-બે કેપ્સૂલ કાઢી લેવામાં આવી હતી. તેમાં 390 અને 372 ગ્રામ સોનું હતું. તેની કિંમત લગભગ 40 લાખ રૂપિયા છે.
Trending News
કુલ એક કિલો સોનું મળી આવ્યું:
જ્યારે ડીઆરઆઈએ ત્રીજા આરોપીની તપાસ કરી તો તેની પાસેથી કંઈ મળ્યું ન હતું. મેજિસ્ટ્રેટ પાસેથી એક્સ-રે મેળવ્યા બાદ તસ્કરનો એક્સ-રે કરવામાં આવ્યો હતો. તસ્કરના પેટમાંથી ચાર સોનાના બોલ મળી આવ્યા હતા. ત્યારબાદ તસ્કરને હોસ્પિટલમાં લઈ જવામાં આવ્યો, જ્યાં ચાર દિવસ પછી આરોપીના શરીરમાંથી ચાર બોલ કાઢવામાં આવ્યા હતા. તેનું વજન 58-58 ગ્રામ છે. જેનું વજન કુલ 232 ગ્રામ હતું. અત્યાર સુધીની કાર્યવાહીમાં ડીઆરઆઈએ ત્રણેય તસ્કરો પાસેથી રૂ. 55 લાખની કિંમતનું એક કિલો સોનું જપ્ત કર્યું છે.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.