લાહોરમાં થયો ભયાનક બોમ્બ બ્લાસ્ટ, 3 ના મોત અને કેટલાય ઘાયલ, જુઓ હદય કંપાવનારા દ્રશ્યો 

તાજેતરમાં પાકિસ્તાનના લાહોરના જૌહર શહેરમાં એક વિસ્ફોટ થયો છે. જેમાં 3 લોકોનાં મોત નીપજ્યાં છે અને 17 લોકો ઘાયલ થયા છે. પાકિસ્તાનની બોલ ટીવી ચેનલ સાથેની વાતચીતમાં લાહોર પોલીસ કમિશનરે કહ્યું કે, વિસ્ફોટ એહસાન મુમતાઝ હોસ્પિટલ નજીકના E બ્લોકમાં થયો હતો.

અત્યાર સુધીની તપાસમાં એ સ્પષ્ટ થઈ ગયું છે કે તે સિલિન્ડર વિસ્ફોટ નહીં પરંતુ બોમ્બ વિસ્ફોટ હતો. અમે આ મામલાની તપાસ કરી રહ્યા છીએ. મીડિયા અહેવાલોમાં દાવો કરવામાં આવી રહ્યો છે કે, આ બ્લાસ્ટ મુંબઈ હુમલાનો મુખ્ય સૂત્રધાર આતંકી હાફિઝ સઈદના ઘરની નજીક થયો હતો. હાલ તે જેલમાં છે.

ઇજાગ્રસ્ત થયેલા તમામને જીનાહ હોસ્પિટલમાં દાખલ કરવામાં આવ્યા છે. બ્લાસ્ટથી નજીકના મકાનોને પણ નુકસાન થયું હતું. એક પ્રત્યક્ષદર્શીએ જણાવ્યું હતું કે, તેનું ઘર ફક્ત 6 વર્ષ પહેલા બનાવવામાં આવ્યું હતું. જે બ્લાસ્ટમાં ખરાબ રીતે નુકસાન થયું છે.