January 31, 2025
રાજસ્થાન (Rajasthan) ના કરૌલી (Karauli) માં ચાર વર્ષની બાળકી પર દુષ્કર્મનો મામલો સામે આવ્યો છે. પોલીસે પોસ્કો એક્ટ હેઠળ કેસ નોંધીને 36 કલાકમાં આરોપીની ધરપકડ કરી હતી. પોલીસે જણાવ્યું કે, આરોપી 65 વર્ષની મહિલા સાથે દુષ્કર્મની ઘટનાને અંજામ આપી ચુક્યો છે. આ બાબતની ગંભીરતાથી તપાસ કરવામાં આવી રહી છે.
પોલીસે જણાવ્યું કે પીડિતાનો પરિવાર ત્રણ મહિનાથી હિંડૌન શહેરની નજીકની ઝૂંપડપટ્ટીમાં રહે છે. શુક્રવારે રાત્રે પીડિત પરિવારની ત્રણ વર્ષની બાળકીએ માતા પાસે પીવા માટે પાણી માંગ્યું હતું. જેથી સંબંધીઓએ જોયું કે તેમની મોટી પુત્રી ગુમ છે. યુવતીની આસપાસ શોધખોળ કરવામાં આવી હતી પરંતુ તે ક્યાંય મળી ન હતી. સવારે 5 વાગ્યાની આસપાસ કચરો ઉપાડનારને બાળકી કચરાના ઢગલામાં પડેલી જોવા મળી હતી.
લોહીલુહાણ અને બેભાન હાલતમાં પરિવાર બાળકીને જિલ્લા હોસ્પિટલમાં લઈ ગયો. જ્યાંથી તબીબોએ બાળકીની હાલત ગંભીર જણાતા તેને જયપુર રીફર કરી હતી. સારવાર બાદ હવે યુવતીની હાલત પહેલા કરતા ઘણી સારી છે. પીડિત યુવતીએ પોલીસ અને પરિવારના સભ્યોને જણાવ્યું કે રાત્રે સૂતી હતી ત્યારે છોકરો તેને લઈ ગયો હતો. પછી તેની સાથે હેવાનિયત આચરી અને તેને ઘણી જગ્યાએ બાચકા ભર્યા. આ સાથે તેને લાકડી વડે માર માર્યો હતો અને જમીન પર પછાડી પછાડી મારી હતી. જેના કારણે તેની પીઠ પર ગંભીર ઈજાઓ થઇ હતી. હેવાનિયત આચરી બાળકીને કચરાપેટીમાં ફેંકી દીધી અને ફરાર થયો હતો.
Trending News
આ બાબતની પુષ્ટિ કરતા એસપી શૈલેન્દ્ર સિંહ ઈન્દોરાલિયાએ જણાવ્યું કે, ચાર વર્ષની માસૂમ બાળકી સાથે દુષ્કર્મનો મામલો સામે આવ્યો છે. 5 પોલીસ સ્ટેશનની પોલીસ ટીમે મળીને ઘણી જગ્યાએ સીસીટીવી ફૂટેજ સ્કેન કરીને આરોપીઓની ધરપકડ કરી હતી. તે જ સમયે, બાળકીને સારવાર માટે હોસ્પિટલમાં દાખલ કરવામાં આવી છે. ડોક્ટરોનું કહેવું છે કે બાળકીને થોડી ઈજા થઈ છે પરંતુ તે ખતરાની બહાર છે.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.