સરકારી નોકરી માટે લાખોની જાહેરાતો થઇ, પરંતુ છેલ્લા 2 વર્ષમાં માત્ર 5497 જ લોકોની ભરતી થઇ. જાણો અહીં

ગુજરાત રાજ્યમાં લાખો સરકારી નોકરી આવવાની જાહેરાત કરતી ભાજપ સરકાર દ્વારા રાજ્યમાં ચાર લાખ કરતાં વધારે બેરોજગાર હોવાનું જણાવવામાં આવ્યું છે. તો સૌથી ચિંતાજનક એ છે કે, છેલ્લાં બે વર્ષમાં માત્ર 5497 લોકોને જ સરકારી નોકરી આપવામાં આવી છે. એટલે કે, એક વર્ષમાં માત્ર 2748 જેટલી જ સરકારી નોકરી આપવામાં આવી છે.

ગુજરાત વિધાનસભામાં આજે પ્રશ્નોત્તરીમાં જુદા-જુદા મત વિસ્તારના ધારાસભ્ય દ્વારા રાજ્યમાં શિક્ષિત અને અશિક્ષિત યુવાનો તેમજ મળેલ સરકારી નોકરી અંગે પ્રશ્ન પૂછવામાં આવ્યા હતા. તેના જુદા જુદા લેખિત જવાબમાં શ્રમ અને રોજગારી મંત્રીએ જણાવ્યા અનુસાર સમગ્ર ગુજરાત રાજ્યમાં કુલ 4,02,301 શિક્ષિત અને અર્ધશિક્ષિત બેરોજગારો છે. જેમાં 22,599 અર્ધશિક્ષિત બેરોજગાર યુવાનો છે.