હિમાચલના ચંબામાં મોટી દુર્ઘટના: કાર ખીણમાં ખાબકતા સર્જાયો અકસ્માત, 7 પોલીસકર્મીઓનાં કરુણ મોત

7 police officers killed in accident in Himachal Pradesh: હિમાચલ પ્રદેશના ચંબા જિલ્લામાં 11 ઓગસ્ટના રોજ એક દર્દનાક અકસ્માત થયો હતો. અહીં પોલીસકર્મીઓના વાહનને અકસ્માત નડ્યો હતો. આ અકસ્માતમાં 7 પોલીસકર્મીઓના મોત થયા હતા. જ્યારે તેમની કાર તીસા બૈરાગઢ રોડ પર તરવાઈ પુલ પાસે પહોંચી ત્યારે અકસ્માત થયો હતો. અકસ્માત સમયે કારમાં 11 લોકો સવાર હતા. અકસ્માતની માહિતી મળતા જ ઉચ્ચ પોલીસ અધિકારીઓ અને જનપ્રતિનિધિઓ ઘટનાસ્થળે રવાના થઈ ગયા છે.

કેબિનેટ મંત્રી મુકેશ અગ્નિહોત્રીએ આ દુર્ઘટના પર શોક વ્યક્ત કર્યો હતો. તેમણે કહ્યું, ‘7 પોલીસ કર્મચારીઓના દુઃખદ મૃત્યુના સમાચાર પ્રાપ્ત થયા છે, જ્યારે ચંબા જિલ્લાના ટીસામાં પોલીસ ટીમના વાહન અકસ્માતમાં 5 ઘાયલ થયાના અહેવાલ છે. ભગવાન શ્રી ના ચરણોમાં દિવંગત આત્માઓને સ્થાન આપે. અમે આ ઘટનામાં ઘાયલ અન્ય પોલીસકર્મીઓ ઝડપથી સ્વસ્થ થાય તેવી શુભેચ્છા પાઠવીએ છીએ.’

जिला चंबा के तीसा में हुए पुलिस दल के वाहन दुर्घटना में 6 पुलिस कर्मियों सहित 7 की दुःखद मृत्यु का समाचार प्राप्त हुआ। जबकि 4 के घायल होने की सूचना मिली है।

ईश्वर दिवंगत आत्माओं को श्री चरणों में स्थान दें। इस घटना में घायल हुए अन्य पुलिसकर्मियों के शीघ्र स्वास्थ्य लाभ की हम… pic.twitter.com/4ho2N7kcTY

— Mukesh Agnihotri (@Agnihotriinc) August 11, 2023

ભાજપે સરકાર પર લગાવ્યો આરોપ 
બીજી તરફ, શિમલા, ભાજપના પ્રદેશ ઉપાધ્યક્ષ અને ધારાસભ્ય હંસરાજે કહ્યું કે, ચમ્બામાં આજે સવારે ખૂબ જ દર્દનાક અકસ્માત થયો છે. બીજેપીના મતે સરકાર અને PWDના XENની સંપૂર્ણ બેદરકારી સામે આવી છે. અમે સરકારને સતત આજીજી કરીને આ રસ્તો બંધ કરાવ્યો હતો, પરંતુ સરકારે આ રસ્તો ફરીથી ખુલ્લો કર્યો હતો. આ અંગેની માહિતી અમે પહેલા પણ સરકારને આપી હતી, પરંતુ સરકાર મૌન રહી હતી. પહાડ સતત પડી રહ્યો હતો, જનતા જોઈ રહી હતી, પરંતુ સરકારે કોઈ પગલાં લીધાં નહોતા.