January 19, 2025
દહેગામ(ગુજરાત): હાલમાં અકસ્માતની સંખ્યા સતત વધી રહી છે. અકસ્માત દરમિયાન લાખો લોકો પોતાનો જીવ ગુમાવી રહ્યા છે. ત્યારે કોઈ બીજાની બેદરકારીથી માસુમ લોકો આનો ભોગ બને છે. ત્યારે હિલોલ ગામમાં દાદા પાસેથી દસ રૂપિયા લઈને ગામમાં આવેલી દુકાનમાં ચાર વર્ષીય બાળકી સાથે બિસ્કીટ લેવા માટે ગયેલા પૌત્રનું ઈકો કારની ટક્કર બાદ બન્ને ટાયર ફરી વળતા ઘટના સ્થળે જ કરૂણ મોત નીપજ્યું હતું. આ અંગે દહેગામ પોલીસ દ્વારા ગામના જ કાર સવાર વિરુદ્ધ ગુનો નોંધી વધુ તપાસ હાથ ધરવામાં આવી છે.
જાણવા મળ્યું છે કે, ગાંધીનગરનાં દહેગામ તાલુકાના હિલોલ ગામની સીમમાં રહેતા બકાજી મણાજી સોલંકીના પરિવારમાં છ દીકરા-દીકરી છે. જે પૈકી એક પુત્ર કિશનનાં લગ્ન દક્ષાબેન સાથે થયેલા છે. બંનેને એક પુત્ર મૌલિક અને છ માસનો પુત્ર પ્રતિક છે. કિશન તેના પરિવાર સાથે હિલોલ ગામમાં અલગથી રહેતો હોવાનું સામે આવ્યું છે.
ગઈકાલે બપોરના સમયે દાદા બકાજી પુત્ર કિશનના ઘરે આરામ કરી રહ્યા હતા. ત્યારે તેમનો પૌત્ર મૌલિક અને ચાર વર્ષની ચંદ્રિકા રમેશભાઈ સોલંકી રમી રહ્યા હતા. ત્યારે મૌલિક તેના દાદા પાસે ગયો હતો અને બિસ્કીટ ખાવાનું કહેતા દાદાએ 10 રૂપિયાની નોટ તેને આપતા તે અને ચંદ્રિકા ગામમાં આવેલી દુકાનમાં બિસ્કીટ લેવા ગયા હતા. જ્યાંથી પરત ફરતી વખતે ગામના ભીખાભાઈ છગનભાઈ પટેલ પોતાની ઈકો ગાડી પુરપાટ ઝડપે અને ગફલતભરી રીતે હંકારી મૌલિક અને ચંદ્રિકાને ટક્કર મારી હતી.
Trending News
આ અકસ્માત સર્જાયા બાદ પણ ઈકો કારના ચાલકે કાર હંકારી રાખી મૌલિકને ટાયર નીચે કચડી નાખ્યો હતો અને ત્યાંથી ફરાર થઇ ગયો હતો. આ અકસ્માત થતાં ગ્રામજનો મોટી સંખ્યામાં એકઠા થઇ ગયા હતા. ઘટનાની જાણ થતાં જ દાદા બકાજી પણ સ્થળ પર પહોચી ગયા હતા. ત્યારે માલુમ પડયું હતું કે, મૌલિકને સારવાર માટે લઈ જતી વખતે રસ્તામાં જ કરૂણ મોત નીપજ્યું છે. આ દરમિયાન ચંદ્રિકાને શરીરે ઈજાઓ પહોચી હતી. આ અંગે દહેગામ પોલીસ દ્વારા ગુનો નોંધી વધુ તપાસ હાથ ધરવામાં આવી છે.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો ત્રિશુલ ન્યુઝની એન્ડ્રોઇડ એપ મોબાઇલ એપ્લિકેશન. અથવા Google Play Store માં જઈને Trishul News સર્ચ પણ કરી શકો છો. https://play.google.com/store/apps/details?id=com.trishul.news
અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.