ટિકિટ ન મળતાં કાર્યકર્તાઓમાં આક્રોશ: અમદાવાદ શહેર પ્રમુખ સહિત 700 કાર્યકરોનાં રાજીનામાં

ગુજરાતમાં 6 મહાનગરપાલિકાઓની ચૂંટણી માટે ઉમેદવારોની યાદી જાહેર થતાં જ ટિકિટ વિતરણને લઈને ભારે હોબાળો મચી ગયો છે. ગઈકાલે અમદાવાદના ભાજપ કાર્યાલય ખાતે ભાજપના સેંકડો કાર્યકરોએ વિરોધ નોંધાવ્યો હતો. આજ સ્થિતિ કોંગ્રેસ કાર્યાલયમાં જોવા મળી હતી. જમાલપુરના સીટીંગ કાઉન્સિલરની ટિકિટ બાદ વિરોધમાં 500 જેટલા કાર્યકરોએ પક્ષમાંથી રાજીનામું આપ્યા હતા. આ સાથે જ કોંગ્રેસના ધારાસભ્ય ગિયાસુદ્દીન શેખ સામે પણ સૂત્રોચ્ચાર કરવામાં આવ્યા હતા.

મનપાની ચૂંટણીમાં કોંગ્રેસની નબળી નેતાગીરીનો પરિચય જોવા મળ્યો છે. NSUIને ટિકિટ ન ફાળવતાં ભારોભાર રોષ જોવા મળ્યો છે. જે બાદ પૂર્વ પ્રમુખ ચેતન રાવલનો NSUI દ્વારા ઘેરાવ કરવામાં આવ્યો હતો અને યુવાનોને ટિકિટ ન આપતા ઉગ્ર રજૂઆત કરવામાં આવી હતી. એટલું જ નહીં NSUIના કાર્યકારોના સોશિયલ મીડિયા પર રાજીનામાં આપ્યા છે. અંદાજે 700 જેટલા હોદ્દેદારોએ રાજીનામા આપ્યાનો દાવો કરવામાં આવી રહ્યો છે.

કોંગ્રેસ પક્ષે NSUIને નજર અંદાજ કરતાં કાર્યકરો નારાજગી સામે આવી છે. NSUI અમદાવાદ શહેર પ્રમુખ આસિફ પવારે રાજીનામું આપ્યું છે. તો NSUIના પ્રદેશ મહામંત્રી દિગ્વિજય દેસાઈ, નીતિન વાઘેલાએ રાજીનામું પક્ષને ધરી દીધું છે. NSUIના કાર્યકરો દ્વારા પ્રદેશ કાર્યાલય ખાતે વિરોધ કરવામાં આવ્યો હતો. NSUI ગુજરાત યુનિ.ના પ્રમુખ નારાયણ ભરવાડે ટિકિટ ન મળતાં રાજીનામું આપ્યું હતું. તેઓએ ઈન્દ્રપુરી વોર્ડમાંથી ટિકિટ માગી હતી. આ ઉપરાંત NSUIના સેનેટ મેમ્બર સહિત કાર્યકરોના રાજીનામા પડ્યા છે.

ગઈકાલે ભાજપમાં 500 રાજીનામાં પડ્યા