માત્ર 8 વર્ષીય ભાવનગરનાં આ ટાબરિયાએ નાની ઉંમરમાં એવું કાર્ય કરી બતાવ્યું કે, ચારેબાજુ થઇ રહી છે વાહ વાહી!

ગુજરાત: દૃઢ મનોબળ તથા ઈચ્છાશક્તિ, પરિશ્રમ કરીએ તો ધારીએ એવી સફળતા (Success) મળી શકે છે કે, જેનું ઉત્તમ ઉદાહરણ છે ભાવનગર (Bhavnagar) નો 8 વર્ષનો અદ્વૈતસિંહ ચૂડાસમા (Advait Singh Chudasama). આ બલકે 4,000 મીટરની ઊંચાઈએ આવેલ વિશ્વના સૌથી ઊંચા શિવમંદિર (Shiva Temple) ની ચંદ્રશીલાની ટોચ સર કરી લીધી હતી.

હાલના સમયમાં આવા પ્રતિકૂળ વાતાવરણની વચ્ચે પણ દરેક ટ્રેક પૂર્ણ કર્યા હતા. યુથ હોસ્ટેલ દ્વારા આયોજિત ચોપતા તુંગનાથ ટ્રેક પોસ્ટ વિભાગમાં કાર્યરત 10 કર્મચારીની સાથોસાથ ફક્ત 8 વર્ષીય અદ્વૈતસિંહ ચૂડાસમાએ પણ પૂર્ણ કર્યો છે. અદ્વૈતએ 5 દિવસના ટ્રેકમાં અંદાજે 65 કિમીનો ટ્રેક કર્યો છે.

ટ્રેકિંગના સૌપ્રથમ દિવસે દેવરીતાલનો 4 કિમીનો ટ્રેક જયારે બીજા દિવસે ચોપતાનો 20 કિમીનો ટ્રેક ઊર્જા સાથે પૂર્ણ કર્યો હતો. બાદમાં ત્રીજા દિવસે 4,000 મીટરની ઊંચાઈ પર આવેલ વિશ્વના સૌથી ઊંચા હિન્દુ મંદિર તુંગનાથ મહાદેવનાં દર્શન પણ કર્યાં પછી ચંદ્રશીલાની ટોચ સર કરી હતી.

જ્યાંથી 360 ડીગ્રીના વ્યૂ સાથે કેદાર પર્વત, ચૌખંભા પર્વત, નંદાદેવી પર્વત તથા ભગીરથી પર્વતનાં દર્શન પણ કર્યાં હતાં. આની સાથોસાથ વિષમ વાતાવરણમાં સમગ્ર ગ્રુપ દ્વારા કેદારનાથ મહાદેવનાં દર્શન પણ ટ્રેક દ્વારા જ કરવામાં આવ્યાં હતાં કે, જેમાં પણ અદ્વૈત દ્વારા 6 કિમી બાદ કરતાં કુલ 26 કિમીનો ટ્રેક કરીને કેદારનાથ મહાદેવનાં દર્શન કર્યાં હતાં.