93 વર્ષના દાદીની છેલ્લી ઈચ્છા જાણીને પોલીસ પણ દોડતી થઈ ગઈ

મરણ પથારીએ પડેલા વ્યક્તિની અંતિમ ઈચ્છા હંમેશા પૂરી કરવામાં આવે છે. પરંતુ અમુક લોકોને વિચિત્ર ઈચ્છાઓ જાગે છે. જેમકે, આ 93 વર્ષના દાદીએ કરેલી માગ સાંભળીને નવાઈ લાગશે. જીવનમાં કોઈ પોલીસ સ્ટેશનના પગથિયા પણ ચડવા નથી માગતું ત્યાં આ દાદીએ એવી ઈચ્છા વ્યક્ત કરી કે પોલીસે પણ પૂરી કરવી પડી.

Pam Smith નામના ટ્વિટર યૂઝરે જણાવ્યું કે, તેની દાદીને પોલીસે અરેસ્ટ કરી છે. જેના માટે તેણે પોલીસનો આભાર માન્યો. તેણે લખ્યું કે, તેના દાદી 93 વર્ષના છે અને તેમનું નામ Josie છે. તેમની તબિયત આજકાલ ખરાબ રહે છે. જીવનમાં એક વાર પોલીસ ધરપકડ કરે તેવી તેમની ઈચ્છા હતી. પોલીસે આ ઈચ્છા પૂરી કરી તે માટે આભાર.