November 26, 2024
જયારે પિતાએ સાંભળ્યું કે, તેનો પુત્ર એક મહાન વૈજ્ઞાનિક બન્યો છે, તે સમયે તેનાં આનંદના આંસુને રોકી શક્ય નહીં. એક પિતા જેણે તેમના પુત્રને ખેતરમાં કાળી મજૂરી કરીને ભણાવ્યો અને ISROના સિનિયર વૈજ્ઞાનિક બનાવ્યો. તે જ ઇસરોમાં જ્યાંથી ભારતના પૂર્વ રાષ્ટ્રપતિ મિસાઇલમેન એપીજે અબ્દુલ કલામે કારકિર્દીની શરૂઆત કરી હતી.
પંઢરપુર તહસીલના સરકોલીનો યુવાન સોમનાથ નંદુ માળી આજે ઇસરોમાં વૈજ્ઞાનિક બન્યો છે. ઘણા મુશ્કેલ સંજોગોમાં ગામની શાળામાં ભણવાથી ઇસરો સુધીની યાત્રા કરનાર સોમનાથ ઘણા લોકો માટે એક ઉદાહરણ છે. સોમનાથના શિક્ષણ માટે પિતા, માતા અને ભાઈએ તો ખેતરોમાં પણ કામ કર્યું.
ખેતરમાં કામ કરતા માતાપિતાના એકમાત્ર પુત્રએ એવું કર્યું જે તેના પિતાએ કલ્પના પણ નહોતી કરી. ઈસરોમાં પસંદગી પામેલ પંઢરપુરના સોમનાથ માલી ઇસરો (ISRO) મહારાષ્ટ્રના એકમાત્ર વિદ્યાર્થી છે. સોમનાથ નંદુ માળી પંઢરપુર તહસીલના સરકોલીનો રહેવાસી છે અને તેણે ગ્રામીણ વિસ્તારની એક શાળામાં શિક્ષણ પૂર્ણ કર્યું છે. સરકારી શાળાથી ઇસરો સુધીની યાત્રા ખૂબ જ મુશ્કેલ સંજોગોમાં નક્કી કરવામાં આવી છે. સોમનાથ તાજેતરમાં કેરળના તિરુવનંતપુરમમાં વિક્રમ સારાભાઇ સ્પેસ સેન્ટરમાં સિનિયર સાયન્ટિસ્ટ તરીકે ચૂંટાયા છે.
Trending News
સોમનાથ નંદુ માળીના સંઘર્ષ અને મહેનતની વાર્તા દરેકને પ્રેરણાદાયક છે. પ્રાથમિક શાળામાંથી 7 મુ અને માધ્યમિક શાળામાંથી દસમુ ધોરણ પૂર્ણ કર્યા પછી, તેમણે પંઢરપુરની કે.બી.પી. કોલેજમાં 11 માં પ્રવેશ લીધો હતો.2011 માં 81 ટકા માર્ક સાથે બારમા ધોરણમાં પાસ થયા પછી, સોમનાથ બી.ટેક માટે મુંબઈ ગયો.
પાછળથી તેમને આઈઆઈટી દિલ્હી માટે મિકેનિકલ ડિઝાઇનર તરીકે પસંદ કરવામાં આવ્યા અને સમગ્ર ભારતમાં GATE ની પરીક્ષામાં 916 મા ક્રમ મેળવ્યો.અહીંયા જ તેને વિમાનના એન્જિન ડિઝાઇન પર કામ કરવાની તક મળી.આખરે 2 જૂને સોમનાથની ઇસરોમાં વરિષ્ઠ વૈજ્ઞાનિક તરીકે પસંદગી કરવામાં આવી.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો ત્રિશુલ ન્યુઝની એન્ડ્રોઇડ એપ મોબાઇલ એપ્લિકેશન. અથવા Google Play Store માં જઈને Trishul News સર્ચ પણ કરી શકો છો. https://play.google.com/store/apps/details?id=com.trishul.news
અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.