લગ્નમાં થૂંકીને રોટલી બનાવવાનો વધુ એક કિસ્સો સામે આવતા લોકોમાં ફફડાટ- વિડીયો જોઇને…

ઉત્તર પ્રદેશ(Uttar Pradesh)ના મેરઠ(Meerut) જિલ્લામાં લગ્ન સમારોહ(Wedding ceremony)માં થૂંકીને રોટલી બનાવવાનો વધુ એક કિસ્સો સામે આવ્યો છે. બે દિવસ પહેલા આંબેડકર રોડ પર લક્ષ્મીનગરમાં લગ્ન પ્રસંગમાં થૂંકીને રોટલી બનાવતા યુવકનો વીડિયો વાયરલ થયો છે. આ મામલો સોશિયલ મીડિયા(Social media) પર ચર્ચામાં આવ્યા બાદ પોલીસ એક્શનમાં આવી ગઈ હતી. પોલીસે યુવક અને કોન્ટ્રાક્ટરની ધરપકડ કરી છે. તેમની પૂછપરછ કરવામાં આવી રહી છે.

કહેવામાં આવી રહ્યું છે કે, વાયરલ થયેલા વીડિયોમાં નૌશાદ નામનો યુવક રોટલી બનાવી રહ્યો છે. તે રોટલી પર વારંવાર થૂંકતો હતો. એક યુવકે તેનો વીડિયો બનાવીને વાયરલ કર્યો હતો. શનિવારે જ્યારે તેનું રેકોર્ડિંગ પોલીસ પાસે પહોંચ્યું તો પોલીસે આરોપી નૌશાદને કસ્ટડીમાં લીધો. નૌશાદ કૈથવાડી રોહતાનો રહેવાસી હોવાનું કહેવાય છે. તેની પાસેથી કેટલીક માહિતી એકત્ર કર્યા પછી, પોલીસે સરુરપુરના રહેવાસી કોન્ટ્રાક્ટર બલેશ્વરને પણ કસ્ટડીમાં લીધો હતો, જે લગ્નમાં કામ કરતો હતો. પોલીસનું કહેવું છે કે હાલમાં બંનેની પૂછપરછ કરવામાં આવી રહી છે.

વીડિયો બનાવનાર યુવક પર પણ સવાલો ઉઠ્યા છે:
આ કેસમાં એવો પણ સવાલ ઉઠી રહ્યો છે કે વીડિયો બનાવનાર યુવક કેમ ચૂપ રહ્યો? સમારોહમાં પહોંચેલા લોકોને લગ્નના દિવસે જ આ વિશે કહેવામાં આવ્યું ન હતું. જો તે સમયે જણાવવામાં આવ્યું હોત તો કદાચ તાત્કાલિક પગલાં લેવામાં આવ્યા હોત.