November 24, 2024
બાંગ્લાદેશમાં એક દુઃખદ અકસ્માત સર્જાયો છે. આ દુર્ઘટના ઢાકાથી 250 કિલોમીટર દૂર ઝલકોટી જિલ્લામાં થઈ હતી, જ્યારે સુગંધા નદીમાં બોટના એન્જિનમાં આગ લાગી હતી. ભીષણ આગમાં કેટલાય લોકોએ જીવ ગુમાવ્યા છે. એવું કહેવામાં આવી રહ્યું છે કે ‘MV અભિજાન-10’ નામની બોટમાં આગ ત્યારે શરૂ થઈ જ્યારે તે શુક્રવારે સવારે 3 વાગે દપડેપિયા પહોંચી.
શુક્રવારે એક અધિકારીએ જણાવ્યું હતું કે બાંગ્લાદેશની સુગંધા નદીમાં એક બોટમાં આગ લાગી હતી. જ્યારે તેમાં લગભગ 1,000 લોકો સવાર હતા. કહેવામાં આવી રહ્યું છે કે આ આગ એટલી ભીષણ હતી કે લોકો તેનાથી બચવા માટે નદીમાં કૂદી પડ્યા હતા, જેના કારણે ઘણા લોકોના મોત પણ થયા હતા. મળતી માહિતી મુજબ અત્યાર સુધીમાં ઓછામાં ઓછા 38 લોકોના મોત થયા છે.
ઝલકાઠીના દક્ષિણ જિલ્લાના વરિષ્ઠ ફાયર સર્વિસ ઓફિસર કલામ હુસૈન ભુઈયાએ જણાવ્યું હતું કે, “અમે અત્યાર સુધીમાં 38 મૃતદેહો બહાર કાઢ્યા છે.” ભૂઈયાએ જણાવ્યું કે આગ લોન્ચના એન્જિન રૂમમાંથી શરૂ થઈ હતી. જણાવવામાં આવ્યું હતું કે આ લોકો રાજધાની ઢાકાથી બરગુના જઈ રહ્યા હતા.
Trending News
ઝલકાઠી જિલ્લા પ્રશાસક જોહર અલીએ જણાવ્યું હતું કે મૃત્યુઆંક હજુ વધી શકે છે કારણ કે 50 થી વધુ લોકોને હોસ્પિટલમાં દાખલ કરવામાં આવ્યા છે, કેટલાક મુસાફરો હજુ પણ ગુમ છે અને કેટલાકની હાલત ગંભીર છે. જોકે, આગ લાગવાનું કારણ તાત્કાલિક સ્પષ્ટ થયું ન હતું.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.