બેંક ઓફ બરોડામાં ગ્રેજ્યુએટ વિદ્યાર્થીઓને વગર કસોટીએ નોકરી, જાણી લો અરજી કરવાની રીત અને અંતિમ તારીખ

બેંક ઓફ બરોડા (Bank of Baroda) દ્વારા વેલ્થ મેનેજમેન્ટ સર્વિસ (Wealth Management Service)અને ગ્રામિણ કૃષિ બેંકીંગ વિભાગ (Rural Agriculture Banking Department)હેઠળ જુદા જુદા પદ માટેની ભરતી બહાર પાડવામાં આવી છે. આ બહાર પાડવામાં આવેલ ભરતીના પદ માટે અરજી પ્રક્રિયા (Application process)શરુ કરી દેવામાં આવી છે. અને છેલ્લી તારીખ પણ થોડીક નજીકમાં જ છે.

ત્યારે આ સમયગાળા દરમિયાન ઉમેદવારો (Candidates)દ્વારા હજૂ સુધી અરજી કરવામાં આવી નથી. તો હવે જે ઉમેદવારને અરજી કરવી હોય તો સત્તાવાર વેબસાઈટ પર bankofbaroda.in જઈને અરજી કરી શકે છે. ઉમેદવારો માટે અરજી કરવાની છેલ્લી તારીખ 27 જાન્યુઆરી 2022 સુધીની છે.

અમે તમને જણાવી દઈએ કે, કુલ 105 જેટલી ખાલી પદની અરજીઓ મગાવામાં આવી રહી છે. આ ભારતીના પદ પર 7 જાન્યુઆરીથી ઉમેદવારની અરજી પ્રક્રિયા શરુ થઈ ગઈ છે.

બેંકમાં ખાલી પડેલી જગ્યાઓ:
બેંકમાં રહેલી ખાલી જગ્યામાં હેડ- વેલ્થ સ્ટ્રેટેજિસ્ટ માટે 1 જગ્યા , વેલ્થ સ્ટ્રેરેજિસ્ટ માટે 28 જગ્યા, રોકાણ સંશોધન મેનેજર માટે 2 જગ્યા, પોર્ટફોલિયો રિસર્ચ એનાલિસ્ટ માટે 2 જગ્યા, એનઆરઆઈ વેલ્થ પ્રોડક્ટ્સ મેનેજર માટે 1 જગ્યા, પ્રોડક્ટ મેનેજર માટે 1 જગ્યા, ટ્રેડ રેગ્યુલેશન-સીનિયર મેનેજર માટે 1 જગ્યા, ગ્રુપ સેલ્સ હેડ માટે 1 જગ્યા, પ્રાઈવેટ બૈંકર માટે 20 જગ્યા અને એગ્રિકલ્ચર માર્કેટિંગ ઓફિસર માટે 47 જગ્યાઓનો સમાવેશ થાય છે.