October 06, 2024
પંજાબ(Punjab): આમ આદમી પાર્ટીના પંજાબના સીએમ પદના ઉમેદવાર ભગવંત માન(bhagvant maan) 16 માર્ચે શપથ લેશે. તેમણે શપથ ગ્રહણ સમારોહ માટે દિલ્હી(Delhi)ના સીએમ અરવિંદ કેજરીવાલ(Arvind Kejriwal)ને આમંત્રણ આપ્યું છે. મળતી માહિતી મુજબ, માન દિલ્હીના સીએમ અને પાર્ટીના રાષ્ટ્રીય સંયોજક અરવિંદ કેજરીવાલ સાથે 13 માર્ચે અમૃતસર(Amritsar)માં રોડ શો કરશે. સાથે જ કેજરીવાલે ભગવંત માનની જીત પર કહ્યું કે, મારો નાનો ભાઈ શપથ લેશે.
આ પહેલા શુક્રવારે ભગવંત માને કહ્યું હતું કે, આજે હું દિલ્હીમાં AAPના સંયોજક અરવિંદ કેજરીવાલને મળવા જઈ રહ્યો છું. ધારાસભ્ય દ્વારા વિધાનસભા પક્ષની બેઠક યોજાશે. અમે અમારા ધારાસભ્યોને ક્યાંય મોકલી રહ્યાં નથી. માને કહ્યું કે, તેઓ ભગત સિંહના પૈતૃક ગામમાં શપથ લેશે. શપથની તારીખો આજે સાંજ પછી જાહેર કરવામાં આવશે. હું રાજ્યપાલ સાથે એપોઈન્ટમેન્ટ લઈશ. ત્યારબાદ શપથ ગ્રહણ સમારોહ યોજાશે.
ભગવંત માન શહીદ-એ-આઝમ ભગતસિંહના મોટા પ્રશંસક છે અને સામાન્ય રીતે તેમના જેવા જ કપડાં પહેરે છે. ગુરૂવારે સંગરુરમાં લોકોને સંબોધતા ભગવંત માને કહ્યું કે, ‘હું તમને લોકોને ખુલ્લું આમંત્રણ આપી રહ્યો છું. પહેલા શપથ સમારોહ મહેલોમાં યોજાતા હતા. પરંતુ હવે આ સમારોહ શહીદોના ગામોમાં યોજાશે. અમે ખટકરકલનમાં શપથ લઈશું.
Trending News
ભગવંત માને કહ્યું કે, તેમની રેલી ભગત સિંહ દ્વારા આપવામાં આવેલા ‘ઇન્કલાબ ઝિંદાબાદ’ ના નારા સાથે શરૂ થાય છે અને સમાપ્ત થાય છે. તેમણે કહ્યું, ‘આ સૂત્ર શહીદ-એ-આઝમની આત્માને શાંતિ આપતું હોવું જોઈએ. આપણા શહીદોના બલિદાનનું સન્માન કરવું એ આપણી નૈતિક ફરજ છે. તેમના કારણે જ આપણને આઝાદી મળી છે. ભગવંત માન પહેલાથી જ જાહેરાત કરી ચૂક્યા છે કે, દરેક સરકારી ઓફિસમાં માત્ર બે જ તસવીરો હશે. એક શહીદ ભગત સિંહની અને બીજી ભીમરાવ આંબેડકરની.
પંજાબના મુખ્યમંત્રી ચરણજીત સિંહ ચન્ની બંને બેઠકો હારી ગયા છે. ચન્ની, ભદૌર બેઠક પરથી 37,558 મતોથી હારી ગયા. તેમને આમ આદમી પાર્ટીના જગરૂપ સિંહ ગિલ દ્વારા હરાવ્યા હતા. તે જ સમયે, ચન્ની ચમકૌર સાહિબમાં AAP ના ચરણજીત સિંહ સામે 7,942 મતોથી હારી ગયા છે. તેઓ આમ આદમી પાર્ટીના સીએમ ફેસ ભગવંત માન ધૂરીથી 58,206 મતોથી જીત્યા છે.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.