કચ્છમાં ઘૂસ્યા પાકિસ્તાનના કમાન્ડો, નૌકાદળ એ ગુજરાતના બંદરોને આપ્યું એલર્ટ..

કેટલાક પાકિસ્તાની કમાન્ડો કચ્છના અખાત દ્વારા ગુજરાતમાં પ્રવેશ્યા હોવાના સમાચાર છે. સોશિયલ મીડિયા એ આ અંગેની જાણ કરી છે. પાણીની અંદરનો હુમલો ન થાય તે માટે દરિયાકાંઠાના ગુજરાતના તમામ વિસ્તારોમાં એલર્ટ જારી કરવામાં આવ્યું છે.

ખરેખર, ગુજરાત કોસ્ટગાર્ડને ઈન્ટેલીજન્સ દ્વારા સુચના મળી હતી કે,પાકિસ્તાનમાં તાલીમ પામેલા કેટલાક કમાન્ડો કચ્છના અખાતમાં પ્રવેશ્યા છે. પાકિસ્તાની કમાન્ડો વિશેની ગુપ્ત માહિતી એ છે કે તેઓ પાણીની અંદર હુમલો કરવામાં માહીર છે અને બંદરોની સાથે જહાજોને પણ નિશાન બનાવી શકે છે.

સુરક્ષાને ધ્યાનમાં રાખીને, દરિયાકાંઠાના વિસ્તારોમાં સરકારી અને ખાનગી બંદરોને સલાહ આપવામાં આવી છે. અદાણી માઇનીંગ અને મુન્દ્રા બંદર જેવી ખાનગી કંપનીઓને સલાહકાર પણ મોકલવામાં આવયા છે. આ કંપનીઓને સુરક્ષા સ્તર -1 નું એલર્ટ જારી કરવામાં આવ્યું છે. બંદરો સાથે સંકળાયેલા તમામ અધિકારીઓ અને કર્મચારીઓને ચેતવણી આપવામાં આવી છે કે જો કંઇપણ શંકાસ્પદ જણાઈ આવે તો તાત્કાલિક પ્રશાસનને જાણ કરવામાં આવે.