November 05, 2024
જનરલ મનોજ પાંડે(General Manoj Pandey)એ શનિવારે જનરલ એમ.એમ. નરવણે(General M.M. Narvane)ની નિવૃત્તિ પછી, સેનાના 29માં વડા તરીકે કાર્યભાર સંભાળ્યો. આર્મી સ્ટાફના ડેપ્યુટી ચીફ તરીકે ફરજ બજાવતા જનરલ પાંડે ફોર્સના એન્જિનિયર કોર્પ્સમાંથી આર્મી ચીફ(Army Chief) બનનાર પ્રથમ અધિકારી બન્યા છે. 1 ફેબ્રુઆરીએ આર્મી સ્ટાફના વાઇસ ચીફ બનતા પહેલા તેઓ સેનાના પૂર્વી કમાન્ડનું નેતૃત્વ કરી રહ્યા હતા. આ કમાન્ડ સિક્કિમ અને અરુણાચલ પ્રદેશ સેક્ટરમાં વાસ્તવિક નિયંત્રણ રેખાની સુરક્ષા માટે જવાબદાર છે.
જનરલ પાંડેએ એવા સમયે સેનાની કમાન સંભાળી છે જ્યારે ભારત ચીન અને પાકિસ્તાનની સરહદો પરના પડકારો સહિત અસંખ્ય સુરક્ષા પડકારોનો સામનો કરી રહ્યું છે. આર્મી ચીફ તરીકે તેમણે થિયેટર કમાન્ડ બનાવવાની સરકારની યોજના પર નેવી અને એરફોર્સ સાથે તાલમેલ સાધવો પડશે. ભારતના પ્રથમ ચીફ ઑફ ડિફેન્સ સ્ટાફ, જનરલ બિપિન રાવત, જેઓ થિયેટર કમાન્ડની તૈયારી પર કામ કરી રહ્યા હતા, ગયા વર્ષે ડિસેમ્બરમાં હેલિકોપ્ટર દુર્ઘટનામાં મૃત્યુ પામ્યા હતા.
સરકારે હજુ સુધી નવા મુખ્ય સંરક્ષણ વડાની નિમણૂક કરી નથી. લેફ્ટનન્ટ જનરલ પાંડેએ તેમની કારકિર્દી દરમિયાન આંદામાન અને નિકોબાર કમાન્ડના વડા તરીકે પણ સેવા આપી છે. આંદામાન અને નિકોબાર કમાન્ડ એ ભારતની ત્રણેય સેનાઓની એકમાત્ર કમાન્ડ છે. પાંડે નેશનલ ડિફેન્સ એકેડમીના ભૂતપૂર્વ વિદ્યાર્થી છે અને તેમને ડિસેમ્બર 1982માં કોર્પ્સ ઑફ એન્જિનિયર્સ (ધ બોમ્બે સેપર્સ)માં સામેલ કરવામાં આવ્યા હતા.
Trending News
તેમની શાનદાર કારકિર્દીમાં, તેમણે ઘણા મહત્વપૂર્ણ પદો પર સેવા આપી હતી અને વિવિધ વિસ્તારોમાં આતંકવાદ વિરોધી કામગીરીમાં ભાગ લીધો હતો. તેમણે જમ્મુ અને કાશ્મીરમાં ઓપરેશન પરાક્રમ દરમિયાન નિયંત્રણ રેખા પર એક એન્જિનિયર રેજિમેન્ટની કમાન સંભાળી હતી. આ ઉપરાંત, તેમણે પશ્ચિમ લદ્દાખના ઉચ્ચ પ્રદેશોમાં પર્વતીય વિભાગ અને ઉત્તર પૂર્વમાં એક કોર્પ્સની કમાન પણ સંભાળી હતી.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.