આવું ભણશે ગુજરાત : કોસાડ ગરીબ આવાસની શાળામાં વિદ્યાર્થીઓ પાસે કચરો ઉંચકાવાય છે.

સુરત નગર પ્રાથમિક શિક્ષણ સમિતિએ વડાપ્રધાન નરેન્દ્ર મોદી દ્વારા ચલાવવામા આવતાં સ્વચ્છતા અભિયાનના ધજાગરા ઉડાવી દીધા હતા. નગર પ્રાથમિક શિક્ષણ સમિતિની કોસાડની શાળાના શિક્ષક-આચાર્યની ગંભીર બેદકારીના કારણે સ્કુલના બાળકો અભ્યાસ કરતાં કરતાં ડોર ટુ ડોર ગાર્બેજ કલેક્શનના વાહનોમાં કચરો નાંખી રહ્યાં છે. બાળકો પાસે સફાઈની કામગીરી કરાવવી મોટો ગુનો હોવા છતાં હજી કેટલાક વિદ્યાર્થીઓ કચરો નાંખવા જેવું જોખમી કામ કરી રહ્યાં છે.

સતત વિવાદોમાં ઘેરાયેલી રહેલી નગર પ્રાથમિક શિક્ષણ સમિતિમાં બુટ મોજાનો વિવાદ પુરો થાય તે પહેલાં કોસાડની શાળામાં ડોર ટુ ડાર ગાર્બેજ કલેક્શની  ગાડીમાં કચરો નાંખી રહ્યાં છે. શાળાના વિદ્યાર્થીઓ પાસે કચરો વળાવવો કે કચરો વહન કરવો તે ગુનો છે. તેમ  છતાં પણ કોસાડની શાળામાં વિદ્યાર્થીઓ પાસે સફાઈની કામગીરી કરાવવામા આવી રહી છે. કોસાડ વિસ્તારમાં ડોર ટુ ડોર ગાર્બેજ કલેક્શનની ગાડી આવી ત્યારે કોસાડ આવાસમાં આવેલી સ્કુલમાંથી કચરા પેટી લઈને વિદ્યાર્થીઓ કચરા ગાડીમાં કચરો નાંખી રહ્યાં છે.