November 24, 2024
ઉત્તર પ્રદેશ (Uttar Pradesh)ની લખીમપુર ખેરી પોલીસે પત્નીની હત્યા (Murder)ના આરોપમાં એક ડોક્ટરની ધરપકડ કરી છે. આરોપ છે કે ડૉક્ટર આશુતોષ અવસ્થીએ તેમની ડૉક્ટર પત્ની વંદનાને માર માર્યો અને મૃતદેહને એક બોક્સમાં તેમની હોસ્પિટલમાં લઈ ગયા હતા. ત્યાંથી એમ્બ્યુલન્સ દ્વારા મૃતદેહને ગઢમુક્તેશ્વર(Gardmukteswar) લઈ જવાયો હતો. જ્યાં તેમના અંતિમ સંસ્કાર કરવામાં આવ્યા હતા. આ પછી તેણે પોલીસ સ્ટેશનમાં પત્નીના ગુમ થયાની ફરિયાદ નોંધાવી હતી.
મળતી માહિતી અનુસાર, ડૉ. આશુતોષ અવસ્થીના લગ્ન ફેબ્રુઆરી 2014માં ગોંડા જિલ્લાના રહેવાસી ડૉ. વંદના શુક્લા સાથે થયા હતા. આશુતોષ અને વંદના બંને BMS ડૉક્ટર હતા અને તેમણે લખીમપુર શહેરથી સીતાપુર રોડ પર ગૌરી નામની હોસ્પિટલ ખોલી હતી. આમાં પતિ-પત્ની સાથે કામ કરતા હતા. ત્યારે માર્ચ 2018માં, ડો. આશુતોષ અવસ્થીની કરોડરજ્જુ છત પરથી પડી જતાં કચડાઈ ગઈ હતી. જે બાદ તેના શરીરમાં ઘણી સમસ્યાઓ થઈ હતી. ત્યારપછી પતિ-પત્ની વચ્ચે રોજ ઝઘડો થતો હતો.
2020 માં, ડો. વંદનાએ ટેસ્ટ ટ્યુબ બેબી દ્વારા જોડિયા બાળકોને જન્મ આપ્યો. આમ છતાં ડો.આશુતોષ અને ડો.વંદના વચ્ચે વિવાદ વધતો જ રહ્યો. ત્યારે આગામી દિવસોમાં પણ બંને વચ્ચે ઝઘડો થયો હતો. તેથી 26 નવેમ્બર 2022 ના રોજ, લગભગ 5 વાગ્યે, ડૉ. આશુતોષ અને તેમની પત્ની, ડૉ. વંદના શુક્લા વચ્ચે લડાઈ શરૂ થઈ. આ દરમિયાન કોઈ ભારે વસ્તુ ડો. વંદનાના માથા પર વાગી અને તેના કારણે તેનું ઘટનાસ્થળે જ મોત થઈ ગયું.
Trending News
આશુતોષે તેની પત્નીના મૃત્યુની જાણ તેના પિતા ગૌરી શંકર અવસ્થીને કરી, ત્યારે જ પિતા અને પુત્રએ મળીને વંદનાના મૃતદેહનો નિકાલ કરવાની યોજના બનાવી હતી. વંદનાના મૃતદેહને એક મોટા બોક્સમાં રાખીને, તે તેને પીકઅપ વાનમાં શહેરની બહાર તેની હોસ્પિટલ લઈ ગયો. ત્યારપછી મૃતદેહને એમ્બ્યુલન્સ દ્વારા 284 કિમી દૂર ગઢમુક્તેશ્વર લઈ જવામાં આવ્યો હતો. જ્યાં તેણે 1300 રૂપિયાની સ્લિપ કાપીને નદી કિનારે અંતિમ સંસ્કાર કર્યા હતા. ત્યારબાદ પિતા-પુત્ર પોલીસ સ્ટેશનમાં વંદનાના ગુમ થયાની ફરિયાદ નોંધાવી હતી.
પોલીસે તપાસ શરૂ કરી અને મૃતક વંદનાનો ફોન અને વિસ્તારના સીસીટીવી ચેક કર્યા. આ સિવાય આસપાસના લોકો સાથે પૂછપરછ કરતાં જાણવા મળ્યું કે 26 નવેમ્બરની રાત્રે એક પીકઅપ વાન આશુતોષ અવસ્થીના ઘરે આવી હતી. તપાસ કરતી વખતે પોલીસ આશુતોષની હોસ્પિટલ પહોંચી હતી.
જ્યાંથી ખબર પડી કે 27 નવેમ્બરે એમ્બ્યુલન્સ આવી છે. હોસ્પિટલમાંથી મૃતદેહ બહાર કાઢવામાં આવ્યો હતો. જ્યારે પોલીસે હોસ્પિટલના એમ્બ્યુલન્સ ડ્રાઈવરનું નિવેદન લીધું ત્યારે ડૉ. આશુતોષ પર શંકા વધુ ઘેરી બની અને પોલીસે તેને કસ્ટડીમાં લીધો. કડક પૂછપરછ બાદ હત્યાની સમગ્ર કહાની બહાર આવી હતી. પોલીસે હત્યા અને લાશનો નિકાલ કરવાના કાવતરામાં પિતા-પુત્રની ધરપકડ કરી હતી.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરો.